ئاژانسا فەرمی یا ترکیێ راگهاند، بەرپرسێ کۆمیتەیا تەندروستیێ یا پهكهكێ «کەندال پرسووس» د ئۆپەراسیۆنەکە میتێ دە ل چیایێ گارهی یێ ل باشوورێ کوردستانێ هاتیە کوشتن.
ئاژانسا فەرمی یا ترکیێ ئیرۆ رۆژا یهكشهمی 9/10/2022ێ راگهاند، بەرپرسێ کۆمیتەیا تەندروستیێ یا پهكهكێ کەندال پرسووس یێ ب كۆدناڤێ «ئۆککەش دەڤەری» ل چیایێ گارهی د ئۆپەراسیۆنەکا میتێ دە هاتیە کوشتن.
ههروهها دیار كر، د ههمان ئۆپەراسیۆنێ دە، پارێزڤانێ كهندال یێ ب ناڤێ «کایهان کارتال» و كۆدناڤێ «کەمال پیر» ژی هاتیە کوشتن.
هات راگهاندن، كهندال د سالا 2010ێ دە تەڤلی پهكهكێ بوویە و ل قەندیلێ، هەرێمێن زاپێ و مەتینا خەباتێن خوە دەوام کرنه، د سالا 2021ێ دە ژی وەک بەرپرسێ کۆمیتەیا تەندروستیێ یا پهكهكێ ل گارهی هاتیە ئەرکدارکرن.
ل گۆری مەدیایا ترکیێ، میتێ ب ئۆپەراسیۆنێن خوە یێن ل دەرڤەیی وەلات دەربەیەکە مەزن ل پهكهكێ دایە، گەلەک رێڤەبەرێن پایەبلندێن وێ رێخستنێ د ئۆپەراسیۆنێن وێ ده هاتنە بێباندۆرکرن، د 7 مەهێن دەستپێکێ یێن 2022ێ دە، د 20 ئۆپەراسیۆنان دە 13 کەس هاتنە کوشتن و 8 کەس ژی ب ساخی هاتنە دەستەسەر کرن.
