ھەڤسەرۆکێن ھەدەپێ یێن دیاربەکر «زیاد جەیلان و گولیستان ئاتاسۆی»، ھەڤسەرۆکێ دەبەپێ یێ دیاربەکرێ «خەیرەدین ئالتون» ژی د ناڤ دا ھەژمارەک کەس ھاتن بنچاڤکرن.
ئیرۆ، 24ەمین سالڤەگەرا دەرخستنا عەبدوللا ئۆجالان ژ سووریێ، ل باژارێن وان، جزیرا بۆتان و دیاربەکرێ ھاتن شەرمەزارکرن.
ب بۆنەیا سالڤەگەرا دەرخستنا رێبەرێ پەکەکێ عەبدوللا ئۆجالان ژ سووریێ، ل دیاربەکرێ مەشەک ھات لدارخستن، لێ ھێزێن ئەولەھیێ یێن ترکیێ ب ھنجەتا کو “بێ مولەتە” دەستێوەردان کر و ئالۆزی دەرکەت.
د ئەنجامێ دا ھەڤسەرۆکێن ھەدەپێ یێن دیاربەکر «زیاد جەیلان و گولیستان ئاتاسۆی»، ھەڤسەرۆکێ دەبەپێ یێ دیاربەکرێ «خەیرەدین ئالتون ژی د ناڤ دا ھەژمارەک کەس ھاتن بنچاڤکرن.
د 9ێ جۆتمەھا 1998ێ دا حکوومەتا سووریایێ ب زەختێن ترکیایێ عەبدوللا ئۆجالان ژ سووریایێ دەرخست. ئۆجالان د 15ێ شوباتا 1999ێ دا ل کەنیایێ ژ ئالیێ ترکیێ ڤە ھات گرتن.
ھەدەپە ئۆجالان وەکە دانووستاندکارێ سەرەکەیێ پرسگرێکا کورد ب ناڤ دکە و بانگ ل حکوومەتێ دکە کو تەجریدا ل سەر وی راکن.
ھەر وھا ھەدەپێ ب ڤێ بۆنەیێ د داخویانیا خوە دا دیار کر کو تەجریدەکا مەزن و توند ل سەر ئۆجالان ھەیە، ئەڤ یەک ژی رێ ل بەر ئاشتی و چارەسەریا پرسگرێکا کورد دگرە.
