هێزێن ترکیێ ل ئەنیا کبانێ یێ چیایێ کوردان کو دکەڤە ناڤ هەرێما عه‌فرینێ یا رۆژئاڤایێ کوردستانێ ل باکورێ باژارێ لازقیێ یێ سووریێ خالەکا سەربازی چێکرن، دا کو چاڤدێریا رێیا ناڤدەولەتی M4 د ناڤبەرا حه‌له‌ب-لازقیێ دا بکە.
ل گۆر رەوانگەها سووری یا مافێن مرۆڤان (سۆهر)، رۆژا یەکشەمبێ 9ێ جۆتمەها 2022ێ هێزێن ترکیێ ل ئەنیا کبانێ ل چیایێ کوردان ل باکورێ باژارێ لازقیێ یێ سووریێ، خالەکا سەربازی چێکرن، دا کو چاڤدێریا رێیا ناڤدەولەتی M4 د ناڤبەرا حەلەب-لازقیێ دا بکن.
هات دیارکرن کو ئەو خالا سەربازی ب ئارمانجا ب هەڤ گرێدانا خالێن سەربازی یێن ترکیێ ل باژارێ ئەریحا، دەشتا خابێ و چیایێ زاویێ ل رۆژئاڤایێ ئدلبێ ل گەل ئەنیا شەر یا کبانێ ل چیایێ کوردان ل باکورێ لازقیێ هاتیە دانان.
د سالا بۆری دە ژی، هێزێن ترکیێ خالەکا سەربازی ل گوندێ زەیتوونە ل چیایێ تورکمەنان و خالەکا سەربازی ل گوندێ حدادە ل چیایێ کوردان ل باکورێ لازقیێ چێکربوون.
