ئەردۆگان دێ سەردانا دیاربەکرێ بکە

ئاکەپە دێ رۆژا 15ێ جۆتمەھێ ل دیاربەکرێ میتینگەکێ ساز بکە. سەرۆک کۆمارێ ترکیایێ رەجەب تەییب ئەردۆگان ژی سەردانا دیاربەکرێ دکە.

سەرۆکێ گشتی یێ پارتیا داد و گەشەپێشدانێ (ئاکەپێ) و سەرۆک کۆمارێ ترکیایێ رەجەب تەییب ئەردۆگان رۆژا 15ێ جۆتمەھێ سەردانا دیاربەکرێ دکە. ئەردۆگان دێ بەشداری میتینگا پارتیا خوە یا ل قادا «ئیستاسیۆنێ» و مەراسیما ڤەکرنا چەند پرۆژەیان ببە.

تێ چاڤەرێکرن، ئەردۆگان د میتینگێ دا بەحسا پرسگرێکا کورد و گاڤێن کو د ھەیاما دەستھلاتا ئاکەپێ دا ھاتنە ئاڤێتن بکە. ل گۆری زانیاریان، ئەردۆگان دێ د ھەمان رۆژێ دا بەشداری ھندەک چالاکیێن فەستیڤالا رێیا چاندێ یا سوورێ ژی ببە.

ئەردۆگان، ژ بۆ ھلبژارتنێن گشتی یێن 2023یێ داخوازا زێدەتر دەنگێن کوردان دکە. د ھلبژارتنێن گشتی یێن 2018ێ دا ئاک پارتیێ ل دیاربەکرێ، ب %5.21ێ دەنگان 3 کورسی، ھەدەپێ ژی ب %5.65ێ دەنگان 9 کورسی بدەست خستبوون.

ئەردۆگان، د سەردانا خوە یا داوی یا دیاربەکرێ دا گۆتبوو کو؛ نە وان داوی ل پێڤاژۆیا چارەسەریێ ئانیە و ئالیێ ھەدەپێ ب وێ یەکێ تۆمەتبار کربوو.