سەرۆک کۆماریا ترکیێ رادگھینە، ئەگەر بەرژەوەندیێن وان پێویست بکە، ئەو دکارن لگەل سەرۆکێ سووریێ بەشار ئەسەد دا بجڤن.
بەردەڤکێ سەرۆک کۆماریا ترکیێ ئیبراھیم کالن، ل سەر ئەگەرا ھەڤدیتنەکا سەرۆک کۆمارێ ترکیێ رەجەب تەییب ئەردۆگان و سەرۆکێ سووریێ بەشار ئەسەد، ژ بۆ تەلەڤیزیۆنەکا ترکیێ راگھاند، ژ بۆ نھا چ زەمینەکا سیاسی ژ بۆ وێ ھەڤدیتنێ نینە، لێ گەر بەرژەوەندیێن وان پێویست بکە، ئەو دەریان ناگرن و ئەردۆگان و ئەسەد دکارن ھەڤدو ببینن.
ئەڤ داخویانیێن ڤی رایادارێ ترکیێ پشتی وێ یەکێ دهێت کو د داما داوی دا ئاساییکرنا پێوەندیێن ترکیا و سووریێ بووبوو رۆژەڤ و سەرۆک کۆمارێ ترکیێ رەجەب تەییب ئەردۆگان گۆتبوو، “مە چ پرسگرێک لگەل تێکبرنا ئەسەد دا نینە. د ناڤبەرا دەولەتان دا دیالۆگ و دیپلۆماسیا سیاسی نایێ قوتکرن.”
رایادارێن سووری ژی دبێژن، ئەگەرا نێزیکبوونا لگەل ترکیێ دا ھەیە و وەلاتێ وی ئامادەیە پێوەندیان لگەل ترکیێ دا باشتر بکە، لێ ھندەک مەرجێن وان ھەنە، وەک دەرکەتنا ھێزێن ئارتێشا ترکیێ ژ ناڤا خاکا سووریێ و داوی ل پشتگریا گرووپێن چەکدارێن ئۆپۆزیسیۆنا سووریێ بینە.
