چ یەک ژ کادر و گەریلایێن پەکەکێ نینە کو ژ ڤێ رێخستنێ ڤەقەتن و هندەک نهێنیێن دل ب ئێش یێن د ناڤا ڤێ رێخستنێ دە تێن ژیانکرن و ب چاڤێن خوە دیتنە د بیردانکا خوە دە هلنەگرتبن، هن ژ ڤان گەریلایان جارنا تەحەموول ناکن و ڤان نهێنیان ب رێیا چاپەمەنیێ ژ بۆی رایا گشتی ڤەدبێژن، هندەک گەریلایێن دن ژی هەیا داویا ژیانا خوە، ژ بەر ترسا ژ پەکەکێ هەیی و سزایێ کو ب ئیفشاکرنا ڤان نهێنیێن رێخستنێ وێ پەکەکە ب سەر وان دا بسەپینە بێ دەنگ دمینن.
یەک ژ گەریلایێن ژ پەکەکێ ڤەقەتیایی و نەخوەستی ژ بەر پاراستنا جانێ خوە ناڤێ وێ وەرە ئیفشاکرن ژ «دارکا مازی» رە ئاخڤی، ئەڤ گەریلا باس ل چەندین سەرپێهاتیێن دل ب ئێش دکە کو د ناڤا رێخستنێ دە ب چاڤێن خوە دیتنە، لێ نەکاریە نەرازیبوونا خوە دیار بکە، سەرپێهاتیا هەری بالکێش د ئاخافتنا ڤێ گەریلایا ژ پەکەکێ ڤەقەتیایی، سەرپێهاتیا دوجانیبوونا کچە گەریلایانە، کو ب ڤی ئاوا ژ «دارکا مازی» رە ڤەدبێژە:
مژارا تێکلیێن سەکسی د ناڤا گەریلایێن پەکەکێ دە هەر کو دچە زێدەتر دبە و هەژمارەکا زێدەترا گەریلایان دبن قوربانیێن دەستێ پەکەکێ، دووربوونا ژ گوند و باژاران، یاسایێن توند یێن پەکەکێ کو چاڤکانیا خوە ژ گۆتنێن ئۆجالان وەردگرە و سزایێن ژ بۆی ڤێ یەکێ د ناڤا پەکەکێ دە هاتنە دانین، ب ت ئاوا نەکارینە رێگریێ ژ تێکلیێن سەکسی یێن د نێڤبەرا گەریلایێن ژن و زەلام دە، نە ل چیا و نە ژی ل گوند و باژاران، بکن.
تێکلیێن سەکسی ب ئاوایەکی بەردەوام د نێڤبەرا ژن و مێرێن د ناڤا پەکەکێ دە چێدبن، ئەڤ یەک ژ حالەتان دەرچوویە و نها بوویە دیاردەیەکا هەری بەرچاڤ، ژ بەر کو رێژەیا ژنێن دوگیان د ناڤا پەکەکێ دە هەر کو دچە زێدەتر دبە. گەر هات و زارۆیێن ڤان ژنان بگهیژن تەمەنێ 2 هەیا سێ مەهیێ، پەکەکە ب رێیا پزیشکێن خوە زارۆکی/ێ ل بەر وان ژنا دبە و ئەگەر نکارن زارۆکی/ێ ژ بەر ببن و زارۆک ژ داییک ببە، وێ دەمێ گەر زارۆک ل چیا ژ داییک ببە دشینن کامپا مەخموورێ، گەر ل رۆژئاڤا کوردستانێ ژی ژ دایک ببە ئەو زارۆک رادەستی مالبەتەکی تێ کرن کو پەکەکەیی بە.
میناکێن ل سەر ڤێ یەکێ نە هندکن، ل سالا 2019ێ چەکدارەکا سەر ب پەکەکێ یا ب ناڤێ “ئاڤاشین سلۆپی” ل رۆژئاڤا کوردستانێ تێکلیێن سەکسی لگەل یەک ژ کەسێن سڤیل دا گرێدان، ژ ئەنجاما ڤان تێکلیێن سەکسی، چەکدارا پەکەکێ دوگیان بووبوو، پاش کو ئەڤ یەک لێ دیار بووی ژ ئالیێ بەرپرسێن پەکەکێ یێن رۆژئاڤا کوردستانێ ڤە بریار ل سەر ل بەر برنا زارۆکێ وێ هات دایین، لێ ژ بەر کو نەکارین ڤێ یەکێ بکن، پشتی زارۆک ژ دایک بووی ئەو زارۆک ژ دایکێ هات ستەندن، داییک هات زندانکرن و زارۆک رادەستی مالبەتەکی هات کرن کو تەڤ پەکەکەیی نە، ئاڤاشین سلۆپی هەیا سالا 2021ێ د زندانا حەسەکێ دا هات زندانیکرن.
هن حالەتێن دن من ب چاڤێن خوە دیتنە و هن ژی ژ هەڤالێن خوە یێن گەریلا و کادرۆ بهیستنە، بۆ میناک جارەکی هەڤالەکی گەریلا ژ من رە گۆ، ژنەکە چەکدار ب ناڤێ “شیلان دێرک”، ئەنداما ئاکادمیا شەرڤانێن نوو ل کۆبانێ ب شەرڤانەکی رە تێکلیێن سەکسی هەبوون و دوجانی بووبوو.
هەر وەها چەکدارەک دن ئا ژن ب ناڤێ “ژیان عەفرین” کو شەرڤانەک نۆرمال بوو ب شەرڤانەکی رە ل هەرێما عەفرینێ تێکلیێن سەکسی هەبوون و دوجانی بووبوو، تەڤی کو هن ژ هەڤالان ژ من رە دگۆ ئەڤ هەر مژارا “ئاڤاشین سلۆپی”یە، لێ ت کەسی نەکاری ئیسپات بکە. ب ئاوایەکی گشتی د سالاێن رابۆری دە تێکلیێن سەکسی 10 ژ سەدی د ناڤا رەفێن پەکەکێ دە زێدە بوویە.
ئەڤ گەریلایا ژ پەکەکێ قوت بوویی هەر وەها دبێژە، ژن و زلامێن د ناڤا پەکەکێ دە سەکس بکن و ئیفشا ببن، ب کێمانی 5 سالان تێن زندانکرن، یان د ناڤا رەفێن پەکەکێ دە تێن دەرکرن کو ئەڤ رێژەیەکە هەری کێمە، گەر کەسێن سەکس کری پشتی زندانکرنێ پووشمان ببن و خوە رەخنە بکن جارەکە دن وەکە شەرڤان د ناڤا رەفێن رێخستنێ دە دەست ب کار دبن.
