ل ناڤچەیا سلۆپی یا سەر ب پارێزگەھا شرنەخێ د ناڤبەرا دو مالباتان دا شەر و پەڤچوون دەرکەت و د ئەنجاما شەری دا کەسەک ھات کوشتن و 2 کەس ژی بریندار بوون.
ھات راگھاندن کو ل تاخا «ھارون بۆ» یا ناڤچەیا سلۆپی یا شرنەخێ، د ناڤبەرا دو مالباتێن خزمێن ھەڤ دا ژ بەر ناکۆکیەکێ پەڤچوون دەرکەت و بوو شەرێ ب چەکان.
د بوویەرێ دا وەلاتیێ ب ناڤێ «رەشید کاراھان» جانێ خوە ژ دەست دا و کورێ وی و برایێ وی «فەھمی کاراھان» بریندار بوون.
پشتی ئاگاھدارکرنێ، تیمێن پۆلیس و تەندروستیێ گھیشتن جھێ بوویەرێ. کوشتی و بریندار بۆ نەخوەشخانەیا دەولەتێ یا سلۆپیێ ھاتن راکرن.
ھات دیارکرن کو گومانبارێ ب ناڤێ س.ج ھات دەستەسەرکرن.
