شەڤا دەرباسبوویی ژ ئەنجاما هەولدانا ژ بۆی دەرباسبوونا ژ سینۆر، د نێبڤەرا کۆمەکا چەکدار یا سەر ب پەکەکێ و ئارتێشا ئیراقێ دا شەر قەومی.
ل گۆر ئاگاهیێن تایبەت یێن پێگەها «دارکا مازی»، شەڤا دەرباسبوویی ل دەمژمێر 20:30 ل گوندێ «حەساویک»یێ سەر ب شەنگالێ کۆمەکا چەکدار یا سەر ب پەکەکێ ڤە خوەستیە ژ رۆژئاڤا دەرباسی هەرێما شەنگالێ ببە، لێ پشتی کو پاسەوانێن سینۆری یێن ئیراقێ رێ ل وان گرتی، شەر د نێڤەبەرا وان دا قەومیە و د ئەنجام دا هندەک کەس هاتنە کوشتن و بریندارکرن.
چاڤکانیێن تایبەت یێن پێگەها «دارکا مازی» ئەشکەرە کرن، د ئەنجاما شەری دا 2 پاسەوانێن سینۆری یێن ئیراقێ یێن سەر ب لیوایا 19ێ بریندار بوونە و یەک ژ چەکدارێن سەر ب پەکەکێ ڤە ژی هاتیە کوشتن.
