پەکەکێ ھشیاری دا یەنەکێ و دبێژە ئەم دێ پێداچوونێ د پەیوەندیێن خوە دا کەین

پەکەکێ ھشیاری دا یەنەکێ و دبێژە ئەم دێ پێداچوونێ د پەیوەندیێن خوە دا کەین

 رۆژنامەڤان و چاڤدێرەکی سیاسی بەحسا رەوشا سلێمانیێ یا ژ بەر شەرێ پەکەکێ و ترکیێ دکە و ئاماژە ب وێ یەکێ دکە کو پەکەکێ ھشیاری دایە یەنەکێ.

رۆژنامەڤان و چاڤدێرێ سیاسی ل سلێمانیێ «رێبوار تۆفیق» ژ راگەھاند: “دەستوەردانا دەرڤە ل ھەموو ئیراق و کوردستانێ پر زێدە بوویە. وسا لێ ھاتیە کو ئیرانێ کووراھیێن ئاخا کوردستانێ تۆپباران دکە و ترکیو ژی بۆمبەبارانان دکە. گومان ھەیە ئەوێن کو سەر ب پەکەکێ نە و ل رێخستنانن، ئەندام و رۆژنامەڤانێن وان د رێخستنێن جڤاکا سڤیل دا کار دکن، راستی گەف و مەترسیێ تێن. ئەو ژی گومانان زێدەتر دخە سەر دەستوەردانێن دەرڤە و نەیارێن خوە ل ڤێ دەڤەرێ دکن ئارمانج.”

ھەروھا گۆت: “د چەند رۆژێن بۆری دا پکەکێ یەنەکە ھشیار کریە و د بەیانامەیەکی دا ژی دبێژیتە یەنەکێ، دڤێت جانێ ئەندام و گەریلایێن وان پاراستی بە، ئەگەر نا ئەم دێ پێوەندیێن خوە ل بەرچاڤان را دەرباس کەین. دیارە پەکەکە گەھەشتیە وێ باوەریێ کو دەستھلاتا ترکیێ و کەتنا بن باندۆرا ترکیێ ل سلێمانیێ زێدە بوویە. بەیانامەیا کەجەکێ ب ئاشکەرا دبێژە، باندۆرا ترکیێ ل سلێمانیێ ژ ئالیێ ئیستخباراتێ ڤە زێدە بوویە و ژ مژارا درۆن دەرکەتیە. کار گەھەشتیە تەرۆر کرنا راستەراستا بەدەنی، ب تایبەت ژ بۆ ئەوێن کو ئالیگرێن پەکەکێ نە. پەکەکە ژی بخوە گەھەشتیە وێ باوەریێ کو دەستھلاتا ترکیێ ل سلێمانیێ پر زێدە بوویە، ژ بەر وێ ژی ھشیاری دا ئەگەر جان و مالێ خەلکێ مە نەیێ پاراستن، ئەم دێ پیداچوونێ د پێوەندیێن خوە دا کەین.”

پوستێن ھەمان بەش