رێخستنا په‌كه‌كێ ناسنامه‌یا دو فه‌رماندارێن باسكێ خوه یێ له‌شكه‌ری هه‌په‌گێ ئه‌شكه‌ره كر كو دو سالان به‌رێ هاتنه كوشتن و ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا یه‌كشه‌می 16/10/2022ێ ب داخویانیه‌ك نڤیسكی ئه‌شكه‌ره كر، هه‌ردو فه‌رماندارێن وێ یێ ب ناڤێ ئیبراهیم شه‌نگول و كۆدناڤێ به‌دره‌ددین ئامانۆس، هه‌ر وها ئیسماعیل ئه‌ربای ب كۆدناڤێ ئایدن ئامانۆس ژیانا خوه ژ ده‌ست دا نه.
ده‌ستنیشان كر، ئه‌ڤ هه‌ردو فه‌رماندارێن وێ ل 17 جۆتمه‌ها 2020ێ ل چیایێن ئامانۆسێ د ئێریشه‌كه ده‌وله‌تا تركیێ ده ژیانا خوه ژ ده‌ست دا نه.
هێژای گۆتنێ یه، د دو سالێن رابووری ده، رێخستنا په‌كه‌كێ ده‌هان فه‌رماندارێن خوه د ئێریشێن هه‌وایی یێن تركیێ ده ژ ده‌ست دا نه، یێك ژ وان به‌دره‌ددین ئامانۆسه یێ كو ل ل سالا 1993ێ ته‌ڤلی رێخستنێ ببوو.
