وەزیرێ پێشمەرگە راگهاند، دەربارێ پرۆتۆکۆلا ل هەڤتێگەهەشتنا د ناڤبەرا وەزارەتا به‌رگریا ئه‌مەریکا و وەزارەتا پێشمەرگە دە، ل گەل فەرماندارێ گشتی یێ هێزێن هەڤپەیمان ل ئیراق و سووریێ گۆتووبێژ کرنە.
رۆژا 16ێ جۆتمەها 2022ێ، وەزیرێ پێشمەرگە یێ حکوومەتا هەرێما کوردستانێ شۆرش ئیسماعیل ل سەر حه‌سابا خوە یا فه‌یسبووكێ نڤیساند: «مە د جڤینا ل گەل فەرماندارێ گشتی یێ هێزێن هەڤپەیمانان ل ئیراق و سووریێ ماتیۆ مێكفارلێن دە گۆتووبێژا پرۆسەیا چاکسازیێ ل وەزارەتا پێشمەرگە کر و مە تەکەزی ل پێنگاڤێن چاکسازیێ و رێکخستنا هێزێن پێشمەرگە کر.
د بەشەکە دن یا داخویانیا وەزیرێ پێشمەرگە دە هاتیە دەستنیشان کرن: «دەربارێ پرۆتۆکۆلا ل هەڤتێگەهەشتنێ یا د ناڤبەرا وەزارەتا به‌رگریا ئه‌مەریکا و وەزارەتا پێشمەرگە یا حکوومەتا هەرێما کوردستانێ دە ژی مە گۆتووبێژ کرن و ژ بۆ تەکۆشینا ل هەمبەر تەرۆریستێن داعشێ ل ناڤچەیێ و ل هەمبەر راوەستانا هەموو وان مەترسیێن راستی هەرێما مە هاتنە دە ژ بۆ پشتەڤانیا وان من سپاسیا گەل و حکوومەتا ئه‌مەریکایێ کر».
ژ ئالیێ خوە ڤە گەنەرال ماتیۆ مێكفارلێن ژی پشتەڤانیا هێزێن هەڤپەیمانا ژ بۆ وەزارەتا پێشمەرگە دوبارە کر.
