رێخستنا په‌كه‌كێ كادرۆیه‌كێ خوه یێ دن ل رۆژئاڤا كوردستانێ ژ ده‌ست دا، پاش كو ژ هێلا ئیستخباراتا ده‌وله‌تا ترك ڤه هاتیه هه‌ده‌ف گرتن.
چاڤکانیێن ئەولەهیێ یێن ترکیێ ل رۆژا 14/10/2022 ئه‌شكه‌ره كربوو كو به‌رپرسێ په‌كه‌كێ یێ ب ناڤێ نه‌ژده‌ت داگلاره‌ر یێ ب كۆدناڤێ گه‌لی سه‌رحه‌د ل سووریێ بوویه ئارمانجا ئۆپه‌راسیۆنه‌كه میتێ و هاتیه كوشتن.
گه‌لی سه‌رحه‌د به‌رپرسێ لیوایا چاڤره‌ش یا یه‌كینه‌یێن پاراستنا گه‌ل یه‌په‌گێ باسكێ په‌كه‌كێ یێ رۆژئاڤا كوردستانێ بوو.
هات تەسبیتکرن به‌رپرسێ په‌كه‌كێ داگلاره‌ر ل 2009ێ ته‌ڤلی رەفێن په‌كه‌كێ بوویە، ل 2012ێ ل شەمزینانا هەکاریێ چالاکیێن چەکداری کرینە و د پەڤچوونەکە کو ب هێزێن ئەولەهیێ را کری یە دا ژی ژ دەستێ خوە بریندار بوویە.
پشتی چالاكیێن ل ترکیەیێ داگلاره‌ر ل 2016ێ چوویە باشوورێ كوردستانێ، ژ ور ژی دەرباسی رۆژئاڤا كوردستانێ بوویە، دەمەکێ ل حەلەبێ ل سەر ناڤێ رێخستنێ خەبات کریە و د ئۆپه‌راسیۆنێن چقلێ زەیتوونێ و کانیا ئاشتیێ دا ژی ب ئاوایەکی چالاک رێڤەبری کریە.
ل 2020ی دا نه‌ژده‌ت داگلارەر ل هەرێما کۆبانیێ بەرپرسیار بوو ژ چێکرنا تونەل و بجهکرنا چه‌كداران ل وێ هەرێمێ.
