پەکەکە نە ب تەنێ دەرەوان ل مالباتێن گەریلایان، بەلکو ل تەڤ گەلێ کورد دکە، پەکەکە هەرتم ژ بۆ ڤەشارتنا بنکەتنێن خوە د قادێن شەر دە هێنجەتێن بێ واتە دەردخینە و ب دەروان دخوازە خوە وەکە سەرکەتی نیشانی گەلێ کورد بدە.
د ڤی واری دە هەری داوی پەکەکێ د مەدیایا خوە دە نووچەیەک پارڤە کریە و تێ دە دەرەوێن هەری مەزن و گۆتنێن دوور ژ ئەخلاق دکە، پەکەکێ د ڤی نووچەیا خوە دە ناسنامەیا 17 جوانێن کورد ئەشکەرە کریە کو هەری داوی د شەرێ خوە یێ ساختە یێ ب ترکیێ رە ب دەستێ عه‌سكه‌ران داینە کوشتن، ب ڤێ ژی ناسەکنە و تێ دەرەوان دەرحەق پەدەکێ و حکوومەتا هەرێما کوردستانێ پارڤە دکە، و دخوازە ووسا نیشان بدە کو پەدەکە ب کوشتنا ڤان جوانان دل خوەشە.
رێخستنا په‌كه‌كێ وه‌كه هه‌رتم، ناڤ و وێنه و تام ئاگاهی ده‌ربارێ ڤان 17 كه‌چ و خۆرتێن كورد پارڤه‌كرنه و ته‌نێ ئاماژه ب ته‌مه‌نا وان نه‌كر، ژ بۆ كو جینایه‌تا ره‌ڤاندن و كوشتنا زارۆكێن كوردان ل سه‌ر رێخستنێ ته‌سبیت نه‌به.
ئیرۆ رۆژا سێشەمی 18/10/2022ێ چاپەمەنیا پەکەکێ ب پارڤەکرنا نووچەیەکی، ناسنامەیا 17 گەریلایان دیار کر کو د شەر دە ب دەستێ ئارتێشا ترکیێ داینە کوشتن، مەدیایا پەکەکێ ژ بۆی ڤەشارتنا شکەستنێن خوە یێن بەردەوام د قادێن شەر دە هاتیە و سەدەما کوشتنا ڤان جوانان ژ بۆی بکارئانینا چەکێن کیمیەوی یێن گازا ژەهری ڤەدگەرینە، لێ سەدەما کوشتنا ڤان جوانان هەر چ بە، ڤێ راستیێ ناگوهرینە کو پەکەکە ل هەر دەرێ راستی شکەستنێن مەزن هاتیە و هەر کو دچە زێدەتر جوانێن کورد بەر ب مرنێ پال ددە.
پەکەکە وەکە کارێ خوە یێ هەرتم، ب رێزکرنا پەیڤان دخوازە خوە وەکە سەرکەتی نیشان بدە، لێبەلێ یا کو ب زەلالی تێ دیتن و بهیستن ئەڤە کو پەکەکە بنکەتیە و رۆژ ناچە هن جوانێن کورد ب کوشتن نەدە و هن ناڤچەیێن دن ژی ب دەست ئارتێشا ترکیێ ڤە بەرنەدە.
پەکەکە ژ بۆی پاراستنا خوە، خوە ژ ت بێئەخلاقیەکی نادە پاش، ب ئاوایەکی ئەوقاس بێئەخلاق نووچەیان سەرڤیس دکە کو کین و نەفرەتێ د ناڤبەرا کوردان دە پارڤە دکە، پەکەکە د ڤی نووچەیا خوە دە ووسا دنڤیسینە، «ھەیئەتێن كو خوەستنە وەرن ھەرێمێ و دەربارێ بکارئانینا چەکێن قەدەخە لێکۆلینێ بکن، ژ ئالیێ ھێزێن په‌ده‌كێ یێن ل ھەرێمێ سەروەرن ھاتنە ئاستەنگکرن، ھەیئەتەک ھاتیە ھەتا ناڤچەیا ئامێدیێ کو 5 کیلۆمەترەیان دووری ناڤچه‌یا كو ئەڤ چەک ھاتبوون بکارئانین، لێ دەستوور نەھاتیە دایین کو ھەیئەت لێکۆلینێ بکە».
لێ ل گۆری ئاگاهیێن تایبەت یێن «دارکا مازی» کو ژ گەل و چاڤكانیێن ئه‌وله‌هیێ یێن ل ئامێدیێ وەرگرتنە، ئیدیعایا پەکەکێ دەرەوەک مەزنە و ب ت ئاوا ت هەیئەتەک ژ بۆی لێکۆلینکرنا بکارئانینا چەکێ قەدەغەکری دەرباسی ئامێدیێ نەبوویە و ت هێزەکێ ژی رێگری ل وان نەکریە.
گەلێ ئامێدیێ ژ خەباتکارێن «دارکا مازی» رە گۆتن، ل شوونا پارڤەکرنا دەرەوان و رەشکرنا پەدەکێ، بلا پەکەکە شەرێ خوە یێ سەختە ژ مە دوور بکە و بهێلە زارۆکێن مە د ئارامیێ دە ژیان بکن، بلا پەکەکە زێدەتر باشوورێ کوردستانێ تەسلیمی دەولەتا ترک نەکە، سەدەما مرنا ڤان جوانێن کورد چ بە بلا ببە لێ ئەڤ راستی نایێ گوهەرین کو پەکەکە چێکریا ترکیێ یە ژ بۆی ب کوشتن دانا جوانێن کورد و داگیرکرنا زێدەتر یا کوردستانێ، ولاتیێن ئامێدیێ گۆتن، «گەلۆ گەر ترکیە چەکێن کیمیەوی بکارتینە چما جارەکێ یەک ژ رایەدارێن بلند یێن پەکەکێ بەر ب وی چەکێ کیمیەوی ناکەڤە؟ چما هەرتم جوانێن ولاتپارێز تێن کوشتن؟ چما جارەکی جه‌میل بایک، بەسێ هۆزات یان موراد کارایلان و ..هود ب ڤان چەکان نایێن کوشتن؟
