هێزێن ئیرانێ ل سینۆرێ ناڤچەیا بانە یا رۆژهلاتێ کوردستانێ، تەقە ل هەژمارەکا کۆلبەرێن کورد کرن و د ئەنجامێ دە وەلاتیێ ب ناڤێ “رەحمان مامخزری” هاتیە کوشتن.
بوویەر سبەها رۆژا سێشەمبێ 18ێ جۆتمەها 2022ێ ل سینۆرێ ناڤچەیا بانە یا پارێزگەها سنە و ل سەر سینۆرێ ناڤبەرا باشوور و رۆژهلاتێ کوردستانێ ده چێ بوویە.
رێخستنا مافێن مرۆڤانا هەنگاوێ راگهاندیە، «هێزێن ئیرانێ سبەها سێشەمبێ ل سینۆرێ بانەیێ گوللـە بەردانە هەژمارەک کۆلبەران و د ئەنجامێ دە کۆلبەرەک ب ناڤێ رەحمان مامخزری د جهـ دە جانێ خوە ژ دەست دایە».
رەحمان مامخزری بابێ 5 زارۆکان بوویە و خەلکێ باژارێ سەردەشتێ و نشتەجیهێ باژارێ پیراشنارێ بوویە، لێ ژ بەر رەوشا خرابا ئابووری ب نەچاری ل سینۆرێ بانەیێ کارێ کۆلبەریێ کرییە.
رێخستنا هەنگاوێ دایە خویاکرن، «گوللـە ب سەر و پشتا رەحمان مامخزری کەتنە».
