ل بەدلیسێ قه‌ده‌غەیا چالاکیان بۆ دەما 15 رۆژان هات درێژکرن

bedlis-qedexe

ل پارێزگەها بەدلیسێ جارەکە دن بۆ دەما 15 رۆژان هەموو چالاکیێن وەک خوەپێشاندان، مەش، جڤینێن چاپەمەنیێ، گرەڤ و ڤەدانا چادران هاتن قه‌ده‌غەکرن.

والیتیا بەدلیسێ ئیرۆ پێنجشەمێ ل سەر مالپەرا خوە یا فەرمی راگهاند کو ژ 20 جۆتمەهێ هەتا 3ێ مژدارێ 2022ێ بۆ دەما 15 رۆژان هەموو چالاکیێن وەک خوەپێشاندان، چالاکی، مەش، ڤەدانا چادر و داخویانیێن چاپەمەنیێ، کۆمبوون و کۆمکرنا ئیمزەیان و بەلاڤکرنا بەلاڤۆکان هاتنە قه‌ده‌غەکرن.

د داخویانیێ دە تێ ئیدیعاکرن کو ب ئارمانجا یەکپارچەییا دەولەت و نەتەوە، بنپێنەکرنا ماف و ئازادیێن کەسێن دن، ئاساییشا خەلکێ و ئانینا ئارامیێ، رێگرتن ل تاوان، پاراستنا ماف و ئازادیێن خەلکێ بریارا قه‌ده‌غەکرنا خوەپێشاندان و چالاکیان هاتیە دایین.

ل گۆر داخویانیێ، بریارا قه‌ده‌غەکرنێ وان چالاکیێن فەرمی ل خوە ناگرە کو ژ ئالیێ پارێزگار و قەیمەقامان ڤە دەستوور بۆ وان تێ دایین.

قه‌ده‌غەیا ل پارێزگەها بەدلیسی و پرانیا پارێزگەهێن باکورێ کوردستانێ ژ سالا 2016ان ڤە پشتی هەولا دەربەیا 15ێ تەمووزێ هاتیە راگهاندن و ب بەردەوامی ئەڤ قه‌ده‌غە تێ درێژ کرن.

پوستێن ھەمان بەش