ئیرۆ پێنج سال د سەر داستانا پردێ رە دەرباس دبن، دژەتەرۆرا کوردستانێ ژی د ڤێ بیرانینێ دە دبێژە: «داستانا پردێ سەمبۆلا پاراستنا گەلێ کوردستانێ و تێکبرنا پلانێن دژمنانە».
دژەتەرۆرا کوردستانێ ب بۆنەیا سالڤەگەرا داستانا پردێ دە داخویانیەک بەلاڤ کر و تێ دە هات: «داستانا پردێ سەمبۆلا پاراستنا گەلێ کوردستانێ و تێکبرنا پلانێن دژمنانە».
هەر وها گۆت: «20ێ جۆتمەهێ، رۆژا بەرەڤانی و سەربلندێ و خوەنەچەماندنێ یە، رۆژا ڤەگەراندنا روومەتا کورد و کوردستانێ یە، رۆژا گوهەرتنا پیلانێن دژمن و دژبەرانە، رۆژا بەرسڤدانا خیانەت و روورەشکرنا خاینانە».
د بەشەکە دن يا داخویانیێ دە هات گۆتن، «20ێ جۆتمەهێ رۆژا کو کوردان ژ جیهانێ رە ئیسبات کر کو ئەو ت جاری سەری ل بەر دژمن و داگيرکەران دانەینن».
دژەتەرۆرا کوردستانێ گۆت: «د سالڤەگەرا داستانا پردێ ده، سلاڤ ل گیانێ پاکێ شەهیدێن وێ داستانێ و شەهیدێن رێیا سەرخوەبوونا کوردستانێ، سلاڤ ل پێشمەرگەیێن قەهرەمانێن کوردستانێ، سلاڤ ل خوەراگرییا گەلێ کوردستانێ بن».
پشتی بوویەرێن 16ێ جۆتمەها 2017ان و پشتی داگیرکرنا کەرکووک و پرانیا دەڤەرێن کوردستانی یێن ل دەرڤەیی ئیدارەیا هەرێما کوردستانێ ژ ئالیێ حەشدا شەعبی ڤە، ملیسێن هەشدا شەئبی هەول دان ب پێش ڤە بچن و هەرێما کوردستانێ ژی داگیر بکن، لێ بەلێ هێزێن پێشمەرگە ل پردێ، سحێلا، مەخموور و مەحموودیێ، رووبروویی داگیرکەران بوون و ئێریشێن وان تێک برن.
