ل گۆر زانیاریێن تایبەت یێن پێگەها «دارکا مازی»، دەما چەتەیێن ب ناڤێ «جوانێن شۆرەشگەر» یێن سەر ب پەکەکێ ڤە ل رۆژئاڤا کوردستانێ دخوەست کەچەکێ ب رەڤینن، برایێ کەچکێ موداخه‌له کریە و خویشکا خوە ژ دەست وان چەتەیان رزگار کریە، لێ پشت ره ئەو ب خوە بوویە قوربانی.
چاڤکانیێن تایبەت یێن پێگەها «دارکا مازی» ل رۆژئاڤا کوردستانێ ئەشکەرە کرن، ل رۆژا 29/9/2022یێ جوانێن شۆرەشگەر یێن سەر ب پەکەکێ ڤە، هەول دایە کەچەکا 14 سالی یا ب ناڤێ «دیجلە عەلی عەبرووش» کو خەلکا گوندێ «تل شعیر» یێ سەر ب باژارۆکێ کۆبانیێ یە ب رەڤینن، لێبەلێ، برایێ وێ یێ ب ناڤێ «بەنگین» موداخه‌له کر و خویشکا خوە ژ دەست وان رزگار کر.
چاڤکانیێن مە هەر وها ئەشکەرە کرن، پشتی کو بەنگین خویشکا خوە ژ دەستێن جوانێن شۆرەشگەر رزگار کری، هێزەکە سەر ب یەپەگێ ڤه ل رۆژا 30/9/2022 چوون سەر مالا وان و بەنگین دەستەسەر کر و ئەو ڤەگوهه‌ستن ناڤەندا دژەتەرۆرا یەپەگێ یا ل باژارێ کۆبانیێ و ئەو ئیشکەنجە کر، ژ بەر ئیشکەنجەیا گران یا ل بەنگین هاتی کرن، ل رۆژا 1/10/2022ێ ئانکو پشتی رۆژەکی جانێ خوە ژ دەست دایە.
جوانێن شۆرەشگەر رێخستنەکا سەر ب پەکەکێ یە ل رۆژئاڤا کوردستانێ، ئەرکا وێ یا سەرەکە رەڤاندن و چەکدارکرنا جوانێن کورد یێن د بن 18 سالیێ و شاندنا وان بۆ قەندیلێ یە، ئه‌ڤ رێخستن راسته راست ب ته‌علیماتێن جه‌میل باییك و سه‌رپه‌رشتیا مه‌زلووم عه‌بدی ته‌ڤدگه‌ره.
