پەکەکە جەنازەیێن کوشتیێن خوە نادە مالباتێن وان

رێکخەرێ سازیا شەھیدێن پەکەکێ کو ناڤەندا وێ ل سلێمانیێ یە، گۆتیە مالباتەکا سەید سادق کو کورێ وان د دەستێ پەکەکێ دە ھاتیە کوشتن، ل بەندا تەرمێ وی نەمینن.

ل گۆری ئاگاھیان، رێھەڤال «وەھاب» ب ناسناڤ «وەھاب سمێل ف.ش» کو نوونەراتیا پەکەکێ ل ھەرێما کوردستانێ دکە و رێکخەرێ سازیا شەھیدێن پەکەکێ یە، د مەھا گولانێ دا پەیوەندی ب مالباتا «حاجی حەمە شەریفێ شارەزووری» کریە کو کورێ وی د ناڤ پەکەکێ دا وەندا بوویە و ل ناڤا پەکەکێ نەمایە، لێ خزمێن وی ژ وێ نووچەیێ گومان دکن.

چاڤکانیەکی نێزیکی مالباتا کوشتی، کو ژ بەر خاترا پاراستنا جانێ خوە نەخوەست ناڤێ وی وەرە ئەشکەرەکرن راگهاند: “رۆژا 22 مەھا بۆری پەکەکێ ھشیاری دا مالباتێ کو کورێ وان ھاتیە کوشتن. داخویانیێن دەربارێ مرنا کورێ وان دا ژ مەدیایا ھەرێما کوردستانێ هاتیە ڤەشارتن.”

ھەروھا ھەمان چاڤکانیێ راگھاندیە: “د 15ێ نیسانا 2018ێ دا تەڤلی پەکەکێ بوو، نھا مالباتا وی دلگرانن و دخوازن تەرمێ وی ببینن، چەندین جاران پێوەندی ب پەکەکێ کرنە لێ چ بەرسڤ وەرنەگرتنە.”