بەرپرسەکی د ناڤا یەکینەیێن پاراستنا گەل (یه‌په‌گێ) دا ل رۆژئاڤایێ کوردستانێ د ئەنجاما ئۆپەراسیۆنەکا تایبەتا ترکیێ دا هاتیە کوشتن.
ل گۆری مەدیایا ترکیێ، ئه‌یوب یاکوت یێ ب كۆدناڤێ «ئامەد دۆرشین» تێ ناسکرن و بەرپرسێ لیوایا چاڤره‌ش یا یه‌په‌گێ بوو، ل هەرێما شەدادێ یا ل باشوورێ حەسەکێ هاتیە کوشتن.
هات راگهاندن، ئه‌یوب یاکوت ژ بەر کریارێن ل دژی هێزێن چەکدارێن ترکیێ، ژ ئالیێ دەزگەها ئیستخباراتا ترکیێ (میتێ) ڤە دهات شۆپاندن.
ل گۆر ئاگاهیێن هاتنە بەلاڤکرن، ئەیوب یاکوت د سالا 2010ێ دا ل هەرێما مووشێ د ناڤ رێخستنا جوانان یا په‌كه‌كێ دا (جوانێن وەلاتپارێزێن شۆرەشگەر) دە ئۆپەراسیۆن کربوو.
ئەیوب یاکوت د سالا 2013ێ دا تەڤلی کادرۆیێن گوندەواری یێن په‌كه‌كێ ببوو، د سالا 2020ێ دا ل ئاکادەمیا دلۆڤان یا ل کۆبانی-سڕینێ پەروەردەیا چێکرنا بۆمبەیان دیتبوو.
ترکیە د مەهێن داویێ دا ل رۆژئاڤایێ کوردستانێ و ل سەر سینۆرێ باشوورێ کوردستانێ گەلەک ئۆپەراسیۆن ب رێیا درۆنان ئه‌نجام دان و هەژمارەکا بەرپرسێن په‌كه‌كێ و یه‌په‌گێ کربوونە ئارمانج.
