نووچەیەک د مەدیایێ دە بەلاڤ بوو، نووچەیەک گەلەک گرینگ بوو.لێ کەسەکێ زێدە گوھ نەدایێ و ل سەر نەسەکنی. ئەڤ نووچە راستیا پەکەکێ و سیخوورێن ڤێ رێخستنێ و ھەروەھا لەیزتکا وان ل سەر ملەتێ کورد باش ددە خوویاکرن.
نووچە ب ڤی ئاوایییە:“ ل دیاربەکرێ دبستانەک ب ناڤێ “دبستانا مارکسیست ل ئامەدێ” ھات ڤەکرن. دامەزراندنا دبستانێ ب جڤینەکە چاپەمەنیێ ب زمانێ کوردی و ترکی ھات راگھاندن.
ل شاخا سەندیقەیا پەروەردەھیێ ئەگیتیم سەنێ یا دیاربەکر ب جڤینەکە چاپەمەنیێ ھات راگھاندن کو “دبستانا مارکسیست ل ئامەدێ” ھاتیا دامەزراندن.
د جڤینێ دە سەرۆکێ پارتیا کۆمونیست ئا کوردستان سینان چیفتیورەک ئاماژە کر کو ئەڤ دەمەک درێژ بوو فکرا وان ئا دامەزراندنا دبستانا مارکسیست ھەبوو و کێفخوەشن نھا ڤێ پرۆژەیێ پێک تینن.
د جڤینا راگھاندنا دامەزراندنا “دبستانا مارکسیست ل ئامەدێ” دە دانەزانا کوردی ژ ئالیێ نڤیسکار شەرەفخان جزیری ڤە ھات خوەندن و ھات ئاماژەکرن کو ئەو ل بەندا ھەموو وان کەسان ئن کو دخوازن د ڤی واری دە بەشداریێ بکن. لۆگۆیا دبستانێ ژی ئەو ئە کو کارل مار ل برجێن دیاربەکر دنھێرە.“
تێ زانین کو سینان چیفتەیورەک کەسایەتەکە کو گرێدایی پککێ سیاسەتە دکە و وەک سەرۆکێ پارتیا کۆمونیست ئا کوردستانێ تێ ناساندن. لێ تو جارا وی ژ دەرە سیاسەتا پککێ تو تەڤگەرەک نەکریە و نھا ژی ب ڤێ یەکە ھەولدددە رۆژەڤا سیاسی بگوھەرن. شەرەفخان جزیری، گەرەک ب تو ئاوایی خوە نەکرا شریکێ ڤێ کاراسەتێ. گەلۆ ئەو ب ناڤێ چ داخوویانیا ڤێ دبستانێ رادگھینە؟ جزیری د سیاسەتە دە ل جھێ دەستپێکری ڤەدگەرێ و دن ئاڤا شاشتیەک مەزن دە یە.
ئەڤ یەک نە پرۆژەیا وان کەسانە کو، جڤینێ دە ئاڤاکرنا دبستانێ رادگھینن، ئەڤ پرۆژەیا پککێ یا گوھەرتنا رۆژەڤا سیاسییە و ب دەستە ھنەک پیۆنێن خوە ڤێ رادگھینە.
