دەرەنگێ شەڤا بۆری گۆتەگۆتێن ئێریشا تەرۆریستێن داعشێ یا ژ ناحیەیا گولالە (جەلەولا) ب چەکێن سەگڤانیێ یێن قەناسێ ڤە بەر ب ناڤچەیا کولەجۆیا ل گەرمیانێ ئێریشی چەپەرێن پێشمەرگە کریە بەلاڤ بوون، لێ ئەفسەرەکی پێشمەرگە ئەو گۆتەگۆت رەد کرن.
ئیرۆ 29/10/2022یێ فەرماندارێ پێشمەرگەیێ لیوایا 5 یا پیادەیا ھێزێن پێشمەرگە ل گرێن کەلانا کولەجۆیا سەر ب کفری موقەدەم مەریوان راگەھاند: “ئەو گۆتەگۆتێن ھاتنە بەلاڤ کرن ل سەر وێ یەکێ کو داعشێ ئێریش کریە دوورن ژ راستیێ. لێ ل ھەمبەر چەپەرێن مە چەپەرێن حەشدا شەعبی ھەنە و وان ھن چەک جەرباندنە و ل سەر چەپەرێن مە رە گولە بەردانە.”
ھەروھا گۆت: “ئەگەر ئەم ببێژن داعش تنە راست نیە، چەکدارێن داعشێ د ڤالاتیێن ئەولەھیێ دا ھەنە، لێ شەڤا بۆری چ ئێریشەک نەکرنە، تەنێ گولـلە بەردان و چەک جەرباندنا حەشدا شەعبی ھەبوویە.”
