“د سەرھلدانا ل ئیران و کوردستانێ دا 51 کەسان ژیانا خوە ژ دەست دان”

"د سەرھلدانا ل ئیران و کوردستانێ دا 51 کەسان ژیانا خوە ژ دەست دان"

د سەرھلدانا رۆژهلاتێ کوردستانێ و ئیران یا ل دژی رەژیما ئیرانێ کو 42 رۆژ ب سەر دا دەرباس بوون، زێدەتر ژ 272 کەس ژ ئالیێ ھێزێن رەژیمێ ڤە ھاتنە شەھیدکرن.

ل گۆر ئاژانسا “ھێرنا” یا ئیرانی، ل تەڤاھیا ئیران و رۆژهلاتێ کوردستانێ 272 خوەنیشاندەر ب گولـلەیێن ھێزێن رەژیما ئیرانێ ھاتنە شەھیدکرن.

د ناڤ وێ ئامارێ دا 39 زارۆکێن سەرھلدێر ھاتنە شەھیدکرن.

پێکا ڤێ راپۆرتێ، 13993 خوەنیشاندەر ژ ئالیێ ھێزێن ئەولەھی یێن رەژیمێ ڤە ھاتنە گرتن. ئاژانسا “هێرنا” دبێژە د ناڤ وان گرتیان دا، تەنێ ناسنامەیا 1053 کەسان ژ بۆ وان ھاتیە ئەشکەرەکرن.

د 129 باژارێن ئیران و کوردستانێ دا ل دژی رەژیما ئیرانێ سەرھلدان ھەبوویە و 115 زانینگەھێن ئیران و کوردستانێ ژی، ژ بۆ پشتەڤانیا سەرھلدانێ خوەنیشاندان کرنە.

ل گۆر ئاژانسا “کوردپا”یێ ژی ھەتا نھا 51 خوەنیشاندەر د ناڤ سەرھلدانا رۆژھلاتێ کوردستانێ دا ھاتنە شەھیدکرن.

پوستێن ھەمان بەش