پارتیا سۆسیالیستا کوردستانێ (پهسهكه) ل ئامهدێ کۆنگرەیا خوە 3 مین ساز دكهت، تێ پێشبینیکرن کو بایرام بۆزیەل ببیته سەرۆکێ نوو یێ پارتیێ.
پارتیا سۆسیالیستا کوردستانێ (پهسهكه) کۆنگرەیا خوە یا سێیەم ل ئامهدێ ساز دكهت، د کۆنگرەیا سێیەم دا مەسعوود تەک کو ژ دەستپێکا پارتیێ ڤە ئانكۆ ژ سالا 2016ێ ڤە سەرۆکێ پارتیێ یه نابیته نامزەدێ سەرۆکاتیێ.
د کۆنگرێ دا نامزەدەکی تەنێ هەیە، ئەو ژی بایرام بۆزیەلە کو جیگرێ مهسعوود تەک بوو و یەک ژ دامەزرێنەرێن پارتیێ یە.
پارتیا سۆسیالیستا کوردستانێ (پهسهكه) د گولانا 2016ێ دا ب ئاوایەکی فەرمی هاتیە دامەزراندن، لێ ژ بەر کو د ناڤێ وێ دا پەیڤا کوردستان هەیە، راستی ئاستەنگیان هات.
پێشتر سەردۆزگەریا کۆماری ژ بەر کو د ناڤێ وێ دا کوردستان هەیە و د رێزکنامەیا وێ دا تێ گۆتن «مافێ دەستنیشانکرنا چارەنڤیسا کوردان هەیە» هشیاری دا بوو پهسهكێ.
د سالا 2019ێ دا ژی ب هەمان سەدەمان سەردۆزگەریا کۆماری یا دادگەها بلند ل دادگەها ماکەزاگۆنێ دۆزا گرتنێ ل پهسهكێ ڤەکر.
ژ بەر کو د ناڤێ وێ دا کوردستان دەرباس دبیت ل باژارێن رۆژئاڤایێ ترکیێ یێن وەک ئزمیر و مانیسایێ راستی ئێریشان هاتبوو