Skip to contentشۆپا ئاپۆ.. شۆپا مرنێ
د بوویەرەکێ ده کو نەجارا یەکەمە ئو نەیا داویێ یە، بەرپرسەکێ پارتیا کارکەرێن کوردستانێ، ئەندامەکێ هێزێن ئەولەکاریا هوندرین (ئاساییش) یێن گرێدایی رێڤەبەریا خوه‌سه‌ر کوشت، ئه‌ڤ ته‌وان ل یێك ژ نوقته‌یێن ئاساییشا رێڤەبەریا خوەسەر یا رۆژئاڤایێ کوردستانێ ل باژارێ کوبانیێ پێكهاتی یه.
ئاژانسا باسنیوز ل سەر زارێ چاڤکانیەک کورد یێ ئاگاهدار ژ کۆبانیێ راگەهاند، بەرپرسەکێ پارتیا کارکەرێن کوردستانێ (په‌كه‌كێ) یێ ب ناڤێ (سه‌رحه‌د) فەرمانەک دایە شۆفێرێ خوە کو گوللـەیه‌كێ ل یێك ژ ئەندامێن ئاساییشا رێڤەبەرییا خوەسەر بەردە.
ده‌ستنیشان كر، ئه‌و ئه‌ندامێ ئاساییشا رێڤه‌به‌رییا خوه‌سه‌ر ل باژارێ کۆبانیێ بوو و ناڤێ وی جەمال دەرویشە، شۆفێرێ سه‌رحه‌د ئه‌و ل خالا کۆنترۆلێ یا گوندێ هاڵنگ یێ ل باشوورێ رۆژهلاتێ کۆبانیێ كوشتن.
هه‌ر وها دیار کر ده‌ما فه‌رماندارێ په‌كه‌كێ یێ ب ناڤێ سەرحەد د وێ نوقته‌یا كۆنترۆلێ ره ده‌رباس بووی، ئه‌ندامێ ئاساییشێ یێ ب ناڤێ جه‌مال ده‌روێش ژ وی خوه‌ست كو ناسنامه‌یا خوه ئه‌شكه‌ره بكه، لێبه‌لێ سه‌رحه‌د نەخوەست ناسنامەیا خوە ئەشکەرە بکە و پشتی ده‌ركه‌تنا شه‌ره‌كێ ده‌ڤكی سه‌رحه‌د فه‌رمان دا شۆفێرێ خوه گوللـه‌یه‌كێ ل جه‌مال به‌رده.
جه‌مالێ به‌له‌نگاز و شۆپا ئاپۆ!
رێخستنا په‌كه‌كێ وه‌كه هه‌ر تم ته‌وانا كوشتنا ڤی كادرۆیێ خوه یێ ئاساییشا هوندرین په‌چنی و ل 30 جۆتمه‌ها رابووری مه‌راسیمه‌ك ژ بۆی ده‌فن كرنا جه‌مال سازكر و د مه‌راسیمێ ده گۆ: «جه‌مال ل سه‌ر رێیا ئاپۆ، ل سه‌ر شۆپا ئاپۆ د مه‌شیا، وی جانێ خوه فه‌دایێ نه‌ته‌وه‌یا ده‌مۆكراتیك كر».
ئه‌ڤ مه‌راسیما په‌كه‌كێ یا ژ بۆی جه‌مال و داخویانیێن رێخستنێ یا كو دبێژه: «جه‌مال ل سه‌ر شۆپا ئاپۆ د مه‌شیا»، دهێته وێ واته‌یێ كو په‌كه‌كه ب ده‌ڤێ ئێعتێرافێ دكه كو شۆپا ئاپۆ شۆپا مرنێ یه، یێ كو ل په‌ی شۆپا ئاپۆ بمه‌شه، چاره‌نووسا وێ وێ كوشتنا موحه‌ته‌م به.
رێخستنا په‌كه‌كێ، د ته‌ڤ قۆناغێن خه‌باتا خوه یا ساخته ده، ب سه‌دان كادرۆیێن خوه یێن رێڤه‌به‌ر، كادۆریێن هێلا ناڤین، فه‌رماندار و گێریلا ته‌سفیه كرنه و پشتره هاتیه ئه‌ڤ ته‌وانین خوه ب سلۆگان و ده‌ره‌وان ڤه‌شارتنه.
