سەرۆک مەسعوود بارزانی د کۆنگرەیا 14ێ یا پارتیا دەمۆکراتا کوردستانێ (پەدەکێ) دە گۆتارەک پێشکێش کر و راگھاند، ل جەم من ناڤ و ئەرکێ ھەری مەزن و پیرۆز، پێشمەرگاتی یە و ئەز پێشمەرگە مە.
سەرۆک بارزانی د گۆتارا خوە دا دیار کر: “پر ب دل سپاسیا وە دکم ژ بۆ ڤێ باوەریێ، شەرەفەکا مەزنە کو ئەز د خزمەتا وە دا مە، ئەز دخوازم ژ دل ڤە ژ وە رە بێژم وە، ئەز ھەر چ بم، ل جەم من ناڤ و ئەرکێ ھەری مەزن و پیرۆز پێشمەرگاتی یە و ئەز پێشمەرگە مە.”
سەرۆک مەسعوود بارزانی ئەشکەرە کر: “ئەز نە ژ وان کەسانم کو دخوازن ھەتا بمرن، سەرۆک یان بەرپرس بن، من دخوەست کەشەک وسا دروست ببا ل ھەرێم و ناڤچەیێ، من د ڤێ کۆنگرەیێ داخوازا دەستوورێ ژ وە خوەستبا، ژبەرکو ھەموو دەستپێکەکێ داویەکا وێ ھەیە، ھەموو مرۆڤ چقاس مەزن بن و د چ پلە و پایەکەکێ دە بن، د ئەنجامێ دە رۆژەک تێ وە ب جھ دھێلن.”
ھەروھا دەستنیشان کر: “ئەز ژی مرۆڤەکم وەکە یەک ژ وان کەسان، ئەم بخوازن ژی نەخوازن ژی، ھوون بخوازن ژی نەخوازن ژی، رۆژەک ئیرادەیا خوەدا ل سەر بوو، ئەز دێ وە ب جھ ھێلم. ئەڤ تشتەکی سرووشتییە. لێ بەلێ ئینشائەللاھ، کۆنگرەیا بهێت ئەم زووتر بکن، ئەز بکارم وێ نیەتێ پێک بینم، چمکی ئەز ناخوازم مرن من ژ وە جودا بکە، دخوازم بەریا وێ، ببێژم وە، ئەمانەتێ خوەدا بن.”
