ل باژارێ ئەلعەزیزێ یێ باکورێ کوردستانێ د شەرێ ب چەکان یێ د ناڤبەرا دو مالباتان دا 3 کەس ھاتن کوشتن.
ھات راگھاندن کو رۆژا 4ێ مژدارا 2022یێ ل تاخا سورسورو یا گرێدایی پارێزگەھا ئەلعەزیزێ یا باکورێ کوردستانێ ژ بەر کێشەیا ئەرد و زەڤی، د ناڤبەرا دو مالباتان دا نیقاش دەرکەت.
پشتی دەمەک ژ نیقاشێ، شەری دەست پێ کر و د شەری دا چەک ژی ھاتن بکارئانین. ل گۆر زانیاریان د شەری دا 2 وەلاتیێن ب ناڤێن «بوراک توتاک و مەحموود دەمیر» ل جھێ بوویەرێ ھاتن کوشتن و وەلاتیێ ب ناڤێ «محەمەد کایار» ژی ب گرانی بریندار بوو.
ل سەر ئاگاھدارکرنێ تیمێن تەندروستی چوون جھێ بوویەرێ و کەسێ بریندار راکرن نەخوەشخانەیێ، لێ تەڤی ھەولدانان، وی ژی ل نەخوەشخانەیێ جانێ خوە ژ دەست دا.
ل ئالیێ دن ھێزێن ئەولەھیێ دەربارێ بوویەرێ دا لێکۆلینەکا بەرفرەھ دان دەستپێکرن.
