بەرپرسێ تێکلیێن دەرڤەیێ ئەنجومەنا نشتمانییا کورد ل سووریێ (ئەنەکەسێ) ئیبراهیم برۆ تەکەز کر کو ھایا ئامەرکایێ ژ وێ یەکێ ھەبوویە کو دەستەیا تەحریر ئەل-شام دەرباسی عەفرینێ ببە و گۆت “بێدەنگیا ئامەریکایێ د چار رۆژێن پێشی دا ژ دەرباسبوونا دەستەیا تەحریر ئەل-شام، پێتر وێ گومانێ چێدکە کو هایا ئامەریکایێ ژی ل گەل ترکیێ ژ وێ دەرباسکرنێ ھەیە. پاشێ ئامەریکایێ نێرنەک دەرخست وەکە ئالیەک بێ لایەن بێیی کو ببێژە ئەڤ تەرۆریستن. د نێرنا خوەیا پێشی دا ئامەریکا گۆت گەرەک ئەو شەرێ د وێ دەڤەرێ دا راوەستە، لێ پشتی کو دیتن کو ئەو نێرین جھێ خوە ناگرە، نێرینەکا دن دەرخست و گۆت ئەڤە تەرۆریستن دڤێت دەرکەڤن. یانی دەولەتەکا وەکە ئامەریکا نێرینەکا وسا سست و لاواز ل ھەمبەر وێ دا، دھێلە کو ئەو گومان چێببە کو ھایا ئامەریکایێ ژ وێ دەرباسکرنێ ھەیە.”
ئیبراھیم برۆ راگھاند کو ھێڤیێن وان ژ دانووستاندنێن لگەل یەپەگێ دا گەلەک لاوازن و گۆت “پۆلیتیکایێن وان یێن شاش دێ ژ بۆ ھەرێما مە بنە مەترسی.”
ئیبراھیم برۆ گۆت “رەوشا کوردستانا سووریێ ب درووشمێن ھەڤگرتنێ نایێ چارەسەرکرن. جوگرافیا مە پێدڤی دکە کو ئەم ب گەلێ سووریێ و وەلاتێن جیران و ب تایبەت ترکیا و ھەرێما کوردستانێ پەیوەندیێن باش چێکەین.” وی رەخنە ل یەپەگێ گرت کو تێکلیێن خوەیێن لگەل سووریا و ترکیایێ خراب دکە، د ھەمان دەمێ دا تشتەک چارەسەر ناکە.
