سەرۆکێ گشتیێ پارتیا وه‌ته‌ن یا ترکیێ دۆغو پەرینچەک سەردانا پارێزگەها مێردینێ یا باکورێ کوردستانێ کر و ل وێ دەرێ بانگ ل په‌كه‌كێ کر، پەرینچەک گۆت: «ئەم ژ ڤر بانگ ل قەندیلێ دکن، گوللـەیان بەرنەدن برایێ خوە، برایێن من، چەکێن کو وە ژ ئه‌مەریکا و ئیسرائیلێ وەرگرتنە، باڤێژن ئەردێ، ترکیە ئامادەیە وە هەمبێز بکە!».
د دەمەکێ دا کو کارڤەدانێن پشتی سەردانا شاندەکا ئاک پارتیێ ل 2ێ مژدارا 2022ێ ب سەرۆکاتیا وەزیرێ دادێ یێ ترکیێ بەکر بۆزداگ ل سەر پێشنیارا گوهەرتنا دەستوورێ یا دەربارێ حیجابێ دە بۆ هه‌ده‌پێ بەردەوامن و تێ گۆتن کو پارتیا وه‌ته‌ن د هەر دەرفەتێ دا پشتەڤانیا هەڤپەیمانیا جومهوری دکەت، سەرۆکێ وێ پارتیێ بانگ ل رێڤەبەریا په‌كه‌كێ کر.
سەرۆکێ گشتیێ پارتیا وه‌ته‌ن دۆغو پەرینچەک د سەردانا خوە یا ل مێردینێ دا بانگ ل قەندیلێ کر.
پەرینچەک گۆت: «پارتیا وه‌ته‌ن پارتیا ته‌وبێ یە، چاوا د دینێ مە دا ته‌وبه هەیە، د پارتیا وه‌ته‌ن دا ژی تۆبە هەیە، ئەم کەسێن کو خەلەتیان دکن ژی ڤەدخوینن پارتیا خوە، ئەم ژ ڤر بانگ ل قەندیلێ دکن، گوللـەیان بەرنەدن برایێ خوە، برایێن من، چەکێن کو وە ژ ئه‌مەریکا و ئیسرائیلێ وەرگرتنە، باڤێژن ئەردێ، ترکیە ئامادەیە وە هەمبێز بکە، بلا ئەم ب چەکێن ئه‌مەریکی هەڤدو نەخن، وەرن ئەم هەڤ هەمبێز بکن!».
