په‌كه‌كێ 4 جوانێن دن یێن كوردان ب مرنێ خه‌لات كرن

pkk-zarok-gerila-hpg-kurd-kurdistan-turkey-kck-npg-pjak

پارتیا كاركه‌رێن كوردستانێ، ناسنامه‌یا 4 جوانێن دن یێن كوردان یێك ژێ زارۆك ئه‌شكه‌ره‌ كر كو 3 مه‌هان به‌رێ ب ده‌ستێ ئارتێشا ترك دانه‌ كوشتن و ژ نوو ڤه‌ مرنا وان ئیفشا كر.

هه‌په‌گێ باسكێ له‌شكه‌ری یێ په‌كه‌كێ، رۆژا یه‌كشه‌می 6/11/2022ێ ناسنامه‌یا 4 چه‌كدارێن خوه‌ ئه‌شكه‌ره‌ كر، كو ل مه‌ها ته‌باخا ئیسال 2022 ل ده‌ڤه‌رێن زاپێ و ئاڤاشین یێن ل باشوورێ كوردستانێ كه‌تنه‌ به‌ر ئێریشێن ده‌وله‌تا ترك  و پاش ده‌رباسبوونا 3 مه‌هان ژ نوو ڤه‌ مرنا وان ئیفشا كر.

ئه‌ڤ چه‌كدارێن هه‌په‌گێ ژ شرنه‌خێ و ئامه‌دێ یێن باكورێ كوردستانێ، هه‌روه‌ها ره‌ققا و حه‌سه‌كێ یێن رۆژئاڤا وه‌لاتن.

رێخستنا په‌كه‌كێ هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه‌ ده‌ پارڤه‌دكه‌ یێن كو ل مه‌هـ و سالێن ده‌رباسبوویی ب ده‌ستێ ئارتێشا تركیێ دانه‌ كوشتن و پاش ده‌رباسبوونا سالان ژ نوو ڤه‌ مرنا وان ئیلان دكه‌، تێ ته‌خمین كرن ب هه‌زاران جوان مابن كو هێژان رێخستنێ مرنا وان ئیفشا نه‌كربه‌.

پوستێن ھەمان بەش