مەدیایا فەرمی یا ترکیێ راگهاند، بەرپرسەکی پلەبلندێ یەکینەیێن پاراستنا گەل (یه‌په‌گێ) ل هەرێما عەین عیسا یا رۆژئاڤایێ کوردستانێ د ئۆپەراسیۆنەکا سازیا ئیستخباراتا وی وەلاتی (میتێ) دا ژیانا خوە ژ دەست دا یە.
ئاژانسا فەرمی یا ترکیێ ئیرۆ راگهاندیە، ناڤێ وی بەرپرسێ یه‌په‌گێ کو د ئۆپەراسیۆنا میتێ دا ل عەین عیسایێ ژیانا خوە ژ دەست دا یە، «قەیس بەرهۆ سولایڤا» و ناسناڤێ وی «ئازاد» ە.
هاتیە راگهاندن کو قەیس بەرهۆ سولایڤا «بەرپرسێ لەشکەری یێ یه‌په‌گێ ل ناڤچەیا عەین عیسا» و ب ئەسل «خەلکێ ئیراقێ» بوویە.
لێ بەلێ مەدیایا فەرمی یا ترکیێ ئاماژە ب رۆژا ل دارخستنا ئۆپەراسیۆنێ نەکری یە.
یه‌په‌گه و هێزێن سووریەیا دەمۆکراتیک (هه‌سه‌دێ) دەربارێ مژارێ دا هێژا چ داخویانی نەدانە.
ل گۆر ئاژانسا فەرمی یا ترکیێ، قەیس بەرهۆ سولایڤا سالا 2013 تەڤلی رەفێن په‌كه‌كێ بوویە و دەستپێکێ ل ناڤچەیا شنگالێ یا باشوورێ کوردستانێ و پاشێ ژی ل ناڤچەیا تل تەمرێ یا رۆژئاڤایێ کوردستانێ ئەرک وەرگرتیە.
ل گۆر هەمان چاڤکانیێ، ئەو بەرپرسێ یه‌په‌گێ بۆ دەمەکێ ل باژارێ حەسەکێ بەرپرسێ چەکێن گران بوویە و پاشێ د سالا 2017 دا جارەکا دی ل هەرێمێن سەرێ کانیێ و تل تەمرێ هاتیە ئەرکدار کرن.
