ده‌وله‌تا ترك و پارتیا كاركه‌رێن كوردستانێ (په‌كه‌كه) ئامارێن شه‌ر یێن جۆتمه‌هێ راگهاندن، ل گۆری ئامارێ 75 چه‌كدارێن په‌كه‌كێ و ب ده‌هان له‌شكه‌رێن ترك هاتنه كوشتن.
وه‌زاره‌تا كارێن ناڤخوه یا تركیێ د راگهاندنه‌كێ ده ئه‌شكه‌ره كر، ل جۆتمه‌ها ئیسال 2022ێ هه‌ری كێم 75 چه‌كدارێن رێخستنا په‌كه‌كێ د ئۆپه‌راسیۆنێن ئارتێشا ده‌وله‌تێ ده هاتنه ئارمانج گرتن.
ژ هێلا خوه ڤه رێخستنا په‌كه‌كێ د مه‌ها جۆتمه‌هێ ده هه‌ر رۆژ د مه‌دیایا خوه ده كوشتنا 4 هه‌یا 15 له‌شكه‌رێن ترك بێ ناڤبر ئیلان دكر.
ل هه‌موو مه‌هێن سالێ ده‌وله‌تا ترك و رێخستنا په‌كه‌كێ ئامارێن شه‌ر پارڤه‌دكن و هه‌ر یێك دبێژه مه ئه‌وقاس كوشتنه، لێ به‌لێ هه‌ردو ئالی راست نابێژن و ڤێ وه‌كه شه‌ره‌كی تایبه‌ت ل دژی هه‌ڤ د مه‌شینن و ته‌نێ یێن كو زرارا راستین یا ڤی شه‌رێ ساخته ددن، گه‌لێ باشوورێ كوردستانێ یه.
