ژ بەر بوویەرا ترافیکێ ل ئاگریێ 7 کەسان جانێ خوە ژ دەست دان

ژ بەر بوویەرا ترافیکێ ل ئاگریێ 7 کەسان جانێ خوە ژ دەست دان

ل ناڤچەیا تووتاخ یا سەر ب پارێزگەھا ئاگریێ یا باکورێ کوردستانێ ئۆتۆبوسا رێویان و بارهەلگرەکێ ل ھەڤ دا و د ئەنجامێ دا ئاگر ب هەر دو ترومبێلان کەت، د بوویەرێ دا 7 کەسان جانێ خوە ژ دەست دان و 11 کەس ژی بریندار بوون.

ھەژمارەک زێدە ئامبولانس و تیمێن ئاگرڤەمراندنێ بۆ جھێ بوویەرێ ھاتنە شاندن و ل جھێ بوویەرێ ئاگرەکی مەزن ھەیە و دووکەل بلند دبە.

وەزیرێ تەندروستیێ یێ ترکیێ فەخرەدین کۆجا ل سەر حەسابا خوەیا تویتەرێ راگھاند، د بوویەرا ناڤچەیا تووتاخ یا ئاگریێ دا 7 کەسان جانێ خوە ژ دەست دانە و 11 کەس بریندار بوونە، کو ژ وان رەوشا 2 کەسان گرانە.

وەزیرێ دادێ یێ ترکیێ بەکر بۆزداگ ژی د تویتەکێ دا راگھاندیە، سەردۆزگەریا کۆمارێ یا تووتاخێ دەربارێ بوویەرێ دا لێپرسین دایە دەستپێکرن.

پوستێن ھەمان بەش