په‌كه‌كێ ئه‌ڤ دو كه‌چه‌ ژی دانه‌ كوشتن

رێخستنا په‌كه‌كێ ناسنامه‌یا 2 چه‌كدارێن خوه‌ یێن كه‌چ راگهاند كو ل باشوورێ كوردستانێ كه‌تنه‌ به‌ر ئێریشێ ده‌وله‌تا ترك و ژیانا خوه‌ ژ ده‌ست دانه‌.

هه‌په‌گێ باسكێ له‌شكه‌ری یێ په‌كه‌كێ دوهـ رۆژا سێشه‌میێ 8\11\2022ێ ناسنامه‌یا 2 چه‌كدارێن خوه‌ یێن كه‌چ ئه‌شكه‌ره‌ كر كو ل 17 ئیلۆنا ئیسالێ ل ده‌ڤه‌را حه‌فته‌نینێ یا باشوورێ كوردستانێ كه‌تنه‌ به‌ر ئێریشێ ده‌وله‌تا ترك و ژیانا خوه‌ ژ ده‌ست دا نه‌.

ئه‌ڤ 2 كه‌چێن كو په‌كه‌كێ ئه‌و د به‌رخوه‌دانا خوه‌ یا ساخته‌ ده‌ وه‌ندا كرین، ناڤێن وان فاتمه‌ و زه‌ینه‌بن، ئه‌و ژ باژارێن شرنه‌خێ و سته‌نبۆلێ نه‌، رێخستنێ ئه‌و وه‌كه‌ ب هه‌زاران كه‌چێن دن یێن كوردان خاپاندن و ب ناڤێ به‌رخوه‌دانێ به‌رێ وان دا مرنێ.

رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه‌ یێن كو د سالێن به‌رێ ده‌ فه‌دا كرین و پاش ده‌رباسبوونا ده‌مه‌ك درێژ ژ نوو ڤه‌ مرنا وان ئیلان دكه‌، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه‌.