جەنازەیێ کەدکارێ زمانێ کوردی، کەدکارێ دۆزا ئازادییا کوردستانێ مەحموود یۆروک «مەحموود نێشیتە» ئیرۆ9/11/2022 ل مەزارگەھا «یەنیکۆ»یا ئامەدێ ھاتە ڤەشارتن. ل سەر تربا مەحموود یۆروک، لێکۆلینەر و نڤیسکارێ کورد «مالمسانژ» ئاخافتنەک کر.
مالمسانژ، د ئاخافتنا خوە دا، خەباتا مەحموود یۆروکا ل سەر زمانێ کوردی و ب تایبەتی ژی ل زاراڤەیا کرمانجکی/زازاکی ئانی زمان.
مالمسانژ گۆت “مەحموود یۆروک، بێوەستان ژ 50 سالی زەدەتر ژ بۆ دۆزا ملەتێ کورد خەبات کرییە، ژ بۆ زمانێ کوردی و ب تایبەتی ژ بۆ کرمانجکی خەباتەکە ھێژا کرییە “.
ل گەل مالبات و ناس و دۆستێن مەحموود یۆروک، گەلەک پەرپرس و ئەندامێن پاکێ و وەلاتپەروەرێن کورد ژی بەشداری خاکسپارتنا جەنازەیێ مەحموود یۆروک بوون. مەحموود یۆروک د سالا 1943یێ دا ل ناڤچەیا فارقینێ یا ئامەدێ ژ دایک بوویە، رۆژا 9/11/2022یێ ل ئامەدێ ژ بەر نەخوەشییا خوە کۆچا داوی کر.
