شه‌رڤانێن هێزێن سووریه‌یا ده‌مۆكراتیك كوشتنا دو چه‌كدارێن گرووپا ب ناڤێ “ئارتێشا نشتمانی” یێن سەر ب ترکیێ ڤە كوشتن و هنه‌كێن دن بریندار كرن.
رەوانگەها سووری بۆ مافێن مرۆڤان ئه‌شكه‌ره كر، د په‌ڤچوونێن 24 ساعه‌تێن ده‌رباسبوویی ده، هێزێن سووریه‌یا ده‌مۆكراتیك لڤ و ته‌ڤگه‌رێن ئارتێشا نشتیمانی ل خالا عه‌ریشه ل گوندەوارێ تل تەمرێ باکورێ رۆژئاڤا حەسەکێ دان به‌ر تۆپان و د ئه‌نجامێ ده زرارێن جانی پێره خستن.
ده‌ستنیشان كر، د تۆپبارانا هه‌سه‌دێ ده، 2 چه‌كدارێن ئارتێشا نشتیمانی هاتنه كوشتن و 3 بریندار بوونه، یێك ژ كوشتیان ژ كۆما سۆلتان موراده.
ئه‌ڤ تۆپبارانا هه‌سه‌دێ وه‌كه به‌رسڤه‌كێ ل همبه‌ری ئێریشێن تركیێ هاتیه كو ژ دوهـ ڤه ل رۆژهلاتێ سه‌رێ كانیێ و گوندێن گوندەوارێ ئەبوو راسین، ل باکورێ رۆژئاڤایێ حەسەکێ ده‌وام دكن.
