ئارتێشا ترکیێ ل ئاگری و ئیدرێ دەست ب ئۆپەراسیۆنێ کر

وەزارەتا ناڤخوە یا ترکیێ راگهاند، ل پارێزگەهێن ئاگری و ئیدرێ یێن باکورێ کوردستانێ، ئۆپەراسیۆنەکە لەشکەری هاتیە دەستپێکرن.

ل گۆر داخویانیا وەزارەتا ناڤخوە یا ترکیێ دوهـ رۆژا شەمیێ 12ێ مژدارا 2022ێ، ل پارێزگەهێن ئاگری و ئیدرێ ل دژی په‌كه‌كێ «ئۆپەراسیۆنا پاییز-زڤستان-12 ئەرەن دۆرپێچ» هاتیە دەستپێکرن.

وەزارەتا ناڤخوە ئەشکەرە کر، ئۆپەراسیۆن ژ ئالیێ فەرمانداریێن جەندرمەیێن ئاگری و ئیدرێ ڤە تێ لدارخستن و 1017 جەندرمەیێن هێزێن تایبەت، پۆلیسێن هێزێن تایبەت، کۆماندۆ بەشدار دبن.

هەروها هات راگهاندن کو ئۆپەراسیۆنێن «پاییز-زڤستانا ئەرەن دۆرپێچ» ل ناڤ وەلات ددۆمە.