ئیرانێ ب رێیا درۆنان بارەگەهێن کۆمەلەیا زەحمەتکێشان یا کوردستانا ئیرانێ ل گوندێ زرگوێزێ ل پارێزگەها سلێمانیێ، هه‌روه‌ها باره‌گه‌ها پارتیا ده‌مۆكراتا كوردستانا ئیرانێ ل كۆیێ بۆمبەباران كرن.
ئیرۆ رۆژا دوشه‌می 14\11\2022ێ، دانێ سبێ، ئیرانێ ب مووشەکان ئێریشی بارەگه‌هێن پارتیا دەمۆکراتا کوردستانا ئیرانێ ل قەزایا کۆیێ كرن و هه‌ژماره‌كه شه‌هید و برینداران ل په‌ی ڤێ ئێریشێ هاتن.
رێڤەبەرێ نەخوەشخانەیا کۆیێ شێروان جەلال راگهاند، هەژمارەک شەهید و بریندار گهیشتنە نەخوەشخانەیێ.
هات راگهاندن کو ژ بەر مەترسیا ل سەر ژیانا خوەندەکار و مامۆستەیان، دبستان هاتنه ڤالاکرن.
هه‌ر ئیرۆ 3 فرۆکەیێن بێفرۆکەڤان ئێرشی بارەگەهێن کۆمەلەیا زەحمەتکێشان یا کوردستانا ئیرانێ کرن، لێ چ زیانێن گیانی چێنەبوون، ژ بەر کو ئەو بارەگەهـ بەریا نها هاتبوون ڤالاکرن.
