نەتەوێن یەکگرتی ئێریشا ئیرانێ ل سەر هه‌رێما كوردستانێ شەرمەزار دکە

نەتەوێن یەکگرتی ئێریشا ئیرانێ ل سەر کۆیە و گوندێ زرگوێزێ شەرمەزار دکە و وێ ب بنپێکرنا سەروەریا ئیراقێ ب ناڤ دکە.

نوونەرتیا نەتەوێن یەکگرتی ل ئیراقێ (یۆنامی) ئیرۆ د داخویانیەکێ دە راگهاند، «ئەم ئێریشێن ب ریا مووشەک و درۆنان یێن ل سەر هەرێما کوردستانێ شەرمەزار دکن، کو بنپێکرنا سەروەرییا ئیراقێ یە».

هەر وها گۆت: «دڤێ ئیراق ژ بۆ یەکالیکرنا پرسگرێکان نەیێ بکارئانین و رێز ل یەکپارچەییا وێ ژی بێ گرتن. دیالۆگا د ناڤبەرا ئیراق و ئیرانێ دە ل سەر مژارێن ئەولەهیێ یێن دوئالی، تاکە رێیە ژ بۆ پێشڤەچوونێ».

ئیرۆ دانێ سبێ 14ێ مژدارێ بارەگەهێن پارتیا دەمۆکراتا کوردستانا ئیرانێ ل کۆیە و بارەگەهێن کۆمەلەیا زەحمەتکێشان یا کوردستانا ئیرانێ ل گوندێ زرگوێزێ سلێمانیێ راستی ئێریشان هاتن. ل گۆری زانیاریان هەتا نها 2 کەس شەهید بوونە و 6 کەسێن دن ژی بریندار بوونە.