د خوەپێشاندانێن شەڤا چارشەمبێ یێن باژارێ بۆکانێ یێ رۆژھلاتێ کوردستانێ دە، چار خوەپێشاندەر ب تەقەیێن ھێزێن ئەولەھیا ئیرانێ ڤە ھاتن کوشتن.
رێخستنا مافێن مرۆڤان ئ یا ھەنگاو راگھاندیە، د خوەپێشاندانێن شەڤا چارشەمێ 16ێ مژدارێ یا باژارێ بۆکانێ یێ رۆژھلاتێ کوردستانێ دە، چار خوەپێشاندەرێن ب ناڤێ سالار موجاور، ئەسعەد رەعیمی، محەمەد حوسێنزادە و سامان قادربەگی ژ ئالیێ ھێزێن ئەولەھیا ئیرانێ ڤە ھاتن کوشتن.
ھات ئەشکەرەکرن کو سالار موجاور، ئەسعەد رەحیمی و سامان قادربەگی ب تەقەیێن راستەراست یێن ھێزێن ئیرانێ ڤە ھاتن کوشتن و محەمەد حوسێنزادە ب کێران ھاتیە کوشتن.
ل گۆر زانیاریێن ھەنگاو، محەمەد حوسێنزادە ل باخێ قازی یێ باژارێ بۆکانێ دەما خوەستیە کەچەکێ ژ دەستێ ھێزێن ئەولەھیێ رزگار بکە، ژ ئالیێ ھێزێن ئەولەھیێ ڤە چەند کێر ل سینگ و سەر دلێ وی ھاتیە دایین و د ئەنجامێ دە جانێ خوە ژ دەست دایە.
خوەپێشاندانێن ل باژار و باژارۆژێن ئیران و رۆژھلاتێ کوردستانێ کو پشتی کوشتنا ژینا ئەمینی دەست پێ کر، زێدەتری شێست رۆژ ائن ددۆمە.
رێخستنا مافێن مرۆڤان یا ئیرانێ د راپۆرتا خوە یا ھەری داوی دە راگھاندیە، د ناڤا شێست رۆژێن بۆری دە، ھەری کێم 342 کەس د خوەپێشاندانان دە ھاتنە کوشتن، کو د ناڤ وان دە 43 زارۆک و 26 ژن ھەنە.
