بەرپرسەکی پەروەردێ ل قەزا شنگالێ راگەھاند، پەکەکێ دەست دانیە سەر خوەندنگەهەکا خواندنا کوردی و رێ نادە کو زێدەتری ھەزار خواندەڤانان ب زمانێ کوردی د وێ دبستانێ دە بخوینن و دخوازن خوەندنگەهەکا خوە ژی د وێ خوەندنگەهێ دە ڤەکن.
سەرپەرشتێ رێڤەبەریا پەروەردەیا قەزا شنگالێ شەھاب ئەحمەد راگەھاند: “نھا چەکدارێن پەکەکێ ل شنگالێ دەست دانینە سەر خوەندنگەها زەریفا ئوسێ، کو خوەندنگەهەکا خوەندنا کوردی یە و ناھێلن زێدەتر ژ ھەزار خواندەڤانان د وێ خوەندنگەهێ دە بخوینن و دخوازن خوەندنگەهەکا خوە ژی د وێ دبستانێ دە ڤەکن، کو ژ ئالیێ وەزارەتا پەروەردە یا ئیراق و ھەرێما کوردستانێ ڤە باوەری پێ نەھاتیە دایین. ژ بەر وێ ئەم داخوازێ ژ داییک و بابان دکن، زارۆکێن خوە نەشینن بۆ چ خوەندنگەهەکا پەکەکێ، ژ بەر کو خوەندنگەهێن وان خوەدی باوەری نینن و ب چ ئاوایەکی باوەرنامەیێن وان کار پێ نایێ کرن.”
ھەروھا ئاشکەرا کر: “زێدەتر ژ ھەزار خواندەڤانێن ل شنگالێ د خوەندنگەها زەریفا ئوسێ دە ب زمانێ کوردی دخوینن. مخابن پەکەکە بوویە رێگر و ئاستەنگ ل پێش پرۆسەیا خواندن و زانست و تەمامێ ئالیێن دن یێن ژیانێ ل شنگالێ. ئەڤ ژی باندۆرەکە خراب ل سەر پاشەرۆژا زارۆکان چێدکە. ھێڤیدارم چ کەسەک زارۆکێ خوە نەشینە خوەندنگەھێن پەکەکێ، ژ بەر کو وان چ پاشەرۆژ نابیت.”
ناڤبۆری دیار کر: “پەکەکە دخوازە خوەندنگەهەکا خوە د ناڤ خوەندنگەهێ دە ڤەکە، ئەم دژی وێ کریارا پەکەکێ نە، د خوەندنگەها زەریفا ئوسێ دە دو دەوامێن خوەندنێ تێدە دهێنە کرن. نھا پەکەکێ دەست ل سەر دانیە و دخوازە دبستانا خوە تێدە دامەزرینە.”
