بالافرێن شەر یێن ترکیێ ئیرۆ دانێ سبێ چەند دەڤەرێن هەرێما کوردستانێ و رۆژئاڤایێ کوردستانێ بۆمبەباران کرن، وەزارەتا به‌رگرییا ترکیێ راگهاندییه: دەم دەما تۆلهلدانێیە.
ئیرۆ رۆژا یه‌كشه‌می 20\11\2022ێ سه‌رێ سبێ، ده‌وله‌تا ترکیێ ئۆپەراسیۆنەکە ئاسمانی یا بەرفرەهـ ل هەرێما کوردستانێ پێک ئانیە و چیایێ قەندیل و چیایێ سۆسیان بۆمبەباران کریە، ل رۆژئاڤایێ کوردستانێ ژی هه‌ر یێك ژ دێركێ، کۆبانێ، شه‌هبا، زرگان هاتنە بۆمبەباران کرن.
وەزارەتا به‌رگریێ یا تركیێ گۆتیه: “ل هه‌رێما كوردستانێ ژی و رۆژئاڤا كوردستانێ بارەگەهێن كو ژ بۆ ئێریشێن تەرۆرێ یێن ل سەر وەلاتێ مە تێن بکارئانین هاتن بۆمبه‌باران كرن”.
فەرماندارێ گشتییێ هێزێن سووریەیا دەمۆکراتیک (هه‌سه‌دێ) مازلووم عەبدی د تویتتەرێ دە وها گۆت: “ئەڤ ئێریش نە دبەرژەوەندییا تو کەسی دە یە و ئەمێ ب هەموو هێزا خوە رێ ل هەر کارەساتەکێ بگرن، لێ ئەگەر شەر چێببە دێ هەر کەس زیانێ ببینە”.
