ل پیرانشارێ، د خوەپێشاندانان دە هێزێن ئەمنی یێن ئیرانێ تەقە ل خەلکێ کرن و 2 خوەپێشاندەر ب ناڤێن تاهیر عەزیزی و کاروان قادر شوکری جانێ خوە ژ دەست دان.
ل گۆر زانیاریان، کاروان قادر شوکری زارۆک و 16 سالی یە.
د دەما برنا تەرمێ تاهیر عەزیزی دە بۆ ڤەشارتنێ، وەلاتیان سلۆگان دژی دەستهلاتا ئیرانێ بلند کرن و ئالۆزی دەرکەتن. د ئەنجاما تەقەیا هێزێن ئەمنی دە خوەپێشاندەرەکی دن ب ناڤێ حەیدەر مەحالی جانێ خوە ژ دەست دا.
ل باژارێ جوانرۆیێ سەر ب کرماشانێ ژی هێزێن سپایێ پاسداران و ئیتلاعاتێ تەقە ل خوەپێشاندەران کرن و 2 وەلاتیان جانێ خوە ژ دەست دان. ناڤێ یەکی ژ وان عیرفان کاکەیی و مامۆستا بوو و ڤەدگەریا مالێ، لێ فیشەکەک لێ کەت.یێ دن ژی بەهائدین وەیسی یێ تەمەن 16 سالی بوو.
