دەزگەھا دژەترۆرا کوردستانێ زانیاری دەربارێ ئێریشا ئیرۆ یا ئیرانێ دە راگھاند و دیار کر، د ئێریشا ل دژی کامپا جەژنیکان یا ل ھەولێرێ دە، 2 درۆنێن بۆمبەبارکری ھاتنە بکارئانین.
دژەتەرۆرا کوردستانێ ئیرۆ د داخویانیەکێ دە راگھاند، سوپایا پاسدارێن ئیرانێ ب 7 مووشەک و درۆنێن بۆمبەکری ئێریشی کامپا چەژنیکان و بارەگەھێن پارتیێن رۆژھلاتێ کوردستانێ ل ھەرێما کوردستانێ کرن.
ل گۆری زانیاریێن دژەتەرۆرا کوردستانێ، سوپایا پاسدارێن ئیرانێ ئێرشی کامپا جەژنیکان ل ناحیا بەحرکێ یا سەر ب ھەولێرێ ڤە، بارەگەھێن پارتیا دەمۆکراتا کوردستانا ئیرانێ ل کۆیێ و بارەگەھێن کۆمەلەیا شۆرەشگەرێن زەحمەتکێشێن کوردستانا ئیرانێ ل گوندێ زرگوێزێ یێ پارێزگەھا سلێمانیێ کرن.
دیار کر ژی، ئێریش ب 2 درۆنان ل کامپا جەژنیکانێ و ب 3 مووشەکان ژی ل بارەگەھێن پارتیا دەمۆکراتا کوردستانا ئیرانێ ل کۆیێ ھاتن کرن و د ئەنجامێ دە کەسەک شەھید بوو.
دا زانین ژی، بارەگەھا کۆمەلەیا شۆرەشگەرێن زەحمەتکێشێن کوردستانا ئیرانێ ل زرگوێزێ ب 2 درۆنان ھات ئارمانجکرن و ت زیانێن جانی چێنەبوون.
