په‌یه‌ده‌ وێنه‌یێن ئاپۆ ب دارێ زۆرێ تێخه‌ ده‌ستێ شێنیێن رۆژئاڤا ده‌

پارتیا یەکیتیا دەمۆکراتیک په‌یه‌دێ، ژ دوهـ ڤه‌ ب دارێ زۆرێ دکانێن ل باژارۆکێ دێرکێ و گركێ له‌كێ یێن رۆژئاڤا كوردستانێ دائێخستنه‌ ژ بۆ كو خوه‌دیێن وان ته‌ڤلی خوه‌پێشاندانان ببن.

ژ دوهـ رۆژا دوشه‌می ڤه‌، په‌یه‌ده‌ باسكێ په‌كه‌كێ یێ رۆژئاڤا كوردستانێ، ب دارێ زۆرێ وه‌لاتیێن باژارێن دێركێ و گركێ له‌كێ یێن رۆژئاڤا وه‌لات ژ مال و دكانێن وان كێشێ كۆلانان دكه‌، ژ بۆ كو ته‌ڤلی خوه‌پێشاندانێن په‌كه‌كێ یێن ب ناڤ ل دژی داگیركه‌رییا تركیێ ببن.

هێزێن په‌یه‌دێ هه‌ر وها ب دارێ زۆرێ دكانێن بازار ژی دائێخستنه‌ و خوه‌دیێن وان ل بن گه‌ف و زه‌ختان برنه‌ خوه‌پێشاندانان و وێنه‌یێن ئاپۆ خستنه‌ د ده‌ستێ وان ده‌.

چاڤکانیێن رۆژئاڤا كوردستانێ ئه‌شكه‌ره‌ كرنه كو رێڤەبەرییا په‌یه‌دێ داخواز ژ کارمەندێن سڤیل، لەشکەری و شارەداریێ ژی كرنه‌ کو بەشداری خوەپێشاندانان ببن.

په‌یه‌ده‌ هه‌ر رۆژ ب دارێ زۆرێ خوه‌پێشاندانێن ب ناڤ ل دژی داگیركه‌ریێ ب شێنیێن یێك ژ باژارێن رۆژئاڤا كوردستانێ دده‌ ئه‌نجام دایین، د خوه‌پێشاندانان ده‌، وێنه‌یێن ئاپۆ تێن بلند كرن و سلۆگانێن په‌كه‌كێ تێن ئاڤێتن، ئه‌ڤ یێك دبه‌ سه‌ده‌م كو ده‌وله‌تا ترك پێتر ئێریشان ل سه‌ر رۆژئاڤا كوردستانێ دژوار بكه‌.