وەزارەتا ناڤخوە یا ترکیێ، ل هەردو پارێزگەهێن باکورێ کوردستانێ شرنەخێ و سێرتێ ئۆپەراسیۆنەکا لەشکەری ل دژی رێخستنا په‌كه‌كێ دەستپێکر، د یێك ژ ستارگه‌هێن ل چیایێ گابارێ ده، هه‌ستیێن هن گه‌ریلایان هاتن دیتن.
ل گۆری داخویانییه‌كه وەزارەتا ناڤخوە یا ترکیێ، ئیرۆ رۆژا پێنجشه‌می 24\11\2022 ل شرنەخێ و سێرتێ، ل دژی چه‌كدارێن رێخستنا په‌كه‌كێ «ئۆپەراسیۆنا پاییز- زڤستان – 15 ئەرەن دۆرپێچ» هاتیە دەستپێکرن.
هێزێن فەرمانداریا جەندرمەیا شرنەخێ، کۆماندۆ و تیمێن جەردەڤان ب ته‌ڤاهی 755 کەس بەشداری ئۆپەراسیۆنێ بوون.
د بەشەکە دن یا داخویانیێ دە تێ گۆتن کو «د رۆژا ئەول یا ئۆپەراسیۆنێ دە ل هەرێما چیایێ گابارێ 8 شکەفت و 2 ستارگەهـ هاتن تەسبیتکرن، د هوندرێ وان دە رۆکەتئاڤێژ، هاون، تڤه‌نگ، دووربین، چەنتە، جل و بەرگ هاتن بدەستخستن».
وەزارەتا ناڤخوە یا ترکیێ هەروها دبێژە کو هن هەستی ژی هاتن دیتن کو دبە ئەو هەستیێن 2 گەریلایێن په‌كه‌كێ بن.
