وەزارەتا بەرەڤانیێ یا ترکیێ راگھاند، د ئۆپەراسیۆنا “پەنجە-کلید” یا ل ناڤ ئاخا ھەرێما کوردستانێ دا 3 لەشکەرێن ترکیێ ھاتنە کوشتن.
ل گۆری داخویانیا وەزارەتا بەرەڤانیا ترکیێ ل دەڤەرا ئۆپەراسیۆنا پەنجە کلید یا د ناڤ ئاخا ھەرێما کوردستانێ دە، لەشکەرێن ئارتێشا ترکیێ یێن ب ناڤێن «دوابەی ئۆنور ئۆزتورکمەن و ئیسمایل ئونال و موستەفا یلدز» ھاتنە کوشتن.
ئارتێشا ترکیێ رۆژا 17ێ نیسانا 2022یێ ل ناڤچەیێن زاپ، ئاڤاشین و مەتینا یێن د ناڤ ئاخا باشوورێ کوردستانێ دا ل دژی پەکەکێ دەست ب ئۆپەراسیۆنا ب ناڤێ پەنجە-کلید کر و ئۆپەراسیۆن ھەتا نھا بەردەوامە.
ئۆپەراسیۆنا “پەنجە-کلید”، ناڤچەیێن مەتینا، زاپ و ئاڤاشین-باسیانێ یێن د ناڤ ئاخا ھەرێما کوردستانێ دە ل خوە دگرە.
