ئارتێشا ترکیێ چەپەرێن هه‌سه‌دێ ل دێرکێ تۆپباران كرن

turkey-qsd-ypg-hsd-derik-rojava

ئارتێشا ترکیێ چەپەرێن هێزێن سووریەیا دەمۆکراتیک (هه‌سه‌دێ) یێن ل گوندێن دێرکا رۆژئاڤایێ کوردستانێ تۆپباران کرن.

ئارتێشا ترکیێ، ئیرۆ رۆژا شه‌می 26/11/2022 چەپەرێن هێزێن سووریەیا دەمۆکراتیک (هه‌سه‌دێ) و یەکینەیێن پاراستنا گەل (یه‌په‌گێ) یێن ل گوندێن زهێری و خەراب رەشکێ یێن سەر ب دێرکێ ڤە تۆپباران کرن و هەتا نها زیانێن جانی یێن ڤێ ئێریشێ نەهاتنه‌ زانین.

ئەڤ چەند رۆژن ئارتێشا ترکیێ دەڤەرێن جودا یێن رۆژئاڤایێ کوردستانێ و چەپەرێن هه‌سه‌دێ و یه‌په‌گێ ل رۆژئاڤایێ کوردستانێ و باکور و رۆژهلاتێ سووریێ دکە ئارمانج و د ئەنجامێ دە هەژمارەک وەلاتیێن سڤیل بوونە قوربانی.

فەرماندارێ گشتیێ هێزێن سووریا دەمۆکراتیک (هه‌سه‌دێ) مەزلووم عەبدی ژی ئیرۆ د کۆنفەرانسەکە رۆژنامەڤانی دە گۆت: «ترکیێ هێز ل سەر سینۆرێ کۆبانێ جێگیر کریە و دخوازە ئێریش بکە».

عەبدی ل سەر هەلوەستا جڤاکا ناڤدەلوەتی و ب تایبەتی ژی هەلوەستا ئه‌مەریکایێ ل هەمبەر گەفێن ترکیێ گۆت: «ئه‌مەریکا و ئیران ل دژی ئۆپەراسیۆنا ترکیێ نە، نها ئه‌مەریکا ژ بۆ راوەستاندنا ئۆپەراسیۆنان ل گەل ترکیێ د گۆتووبێژان دە یە».

پوستێن ھەمان بەش