رێڤه‌به‌ریا خوه‌سه‌ر راگهاند، د شه‌ش رۆژێن دەستپێکێ یێن ئۆپەراسیۆنا ترکیێ ده، 59 کەس هاتنە کوشتن 19 ژ وان شه‌رڤانێن هه‌سه‌دێ و هێزێن ئاساییشێ نه.
ئیرۆ رۆژا شەمیێ 26/11/2022، رێڤه‌به‌ریا خوه‌سه‌ر راگهاند، د ئەنجاما بۆمبەبارانا شەش رۆژان دە 19 شه‌رڤانێن هه‌سه‌دێ و ئەندامەکی ئاساییشێ ژیانا خوه ژ ده‌ست دا نه، هەری کێم 16 سڤیل و 24 لەشکەرێن سووریێ ژی هاتن کوشتن.
هه‌روه‌ها دیار كر، د ئۆپەراسیۆنێ دە 73 کەس ژی بریندار بوونە کو 33 سڤیل، 13 شەرڤان و ئەندامێن ئاسایشێ و 25 ژی لەشکەرێن سووریێ نە.
سپێده‌هییا رۆژا یه‌كشه‌میێ 20\11\2022، ترکیێ دەست ب ئۆپەراسیۆنه‌كه ئاسمانی ل دژی رۆژئاڤا كوردستانێ کر و چه‌په‌رێن هه‌سه‌دێ و یه‌په‌گێ بۆرۆدمان كرن، رێڤه‌به‌رییا خوه‌سه‌ر راگهاند، ترکیێ د وان ئێرشان دە 50 فرۆکەیێن شەر و 20 فرۆکەیێن بێ فرۆکەڤان بکار ئانینە، کو ژ باژارێ ئامەدێ یێ باکورێ کوردستانێ رابوون.
