وهزارهتا بهرگریێ یا تركیێ، ئیرۆ راگهاند كو د ئێریشێن وان یێن ههری داوی ده، 22 چهكدارێن پهكهكێ و یهپهگێ ل رۆژئاڤا و باشوورێ كوردستانێ هاتنه ئارمانج گرتن.
وهزارهتا بهرگریێ یا تركیێ، ئیرۆ رۆژا یهكشهمی 27/11/2022 بیلانچۆیا شهر راگهاند و ئهشكهره كر، 22 چهكدارێن پهكهكێ و یهپهگێ هاتنه ئارمانج گرتن، 10 ل باشوورێ كوردستانێ و 12 ل رۆژئاڤا كوردستانێ.
ژ هێلا خوه ڤه رێخستنا پهكهكێ دوهـ رۆژا شهمی 26/11/2022 د مهدیایا خوه ده ئهشكهر كربوو كو گهریلایێن وان 17 داگیركهر جهزا كرنه.
ههر یێك ژ رێخستنا پهكهكێ و دهولهتا ترك ههر ل ناڤبهرا چهند رۆژان بیلانچۆیا شهر رادگهینن، ههر یێك دبێژه مه ئهوقاس كوشتنه، لێ بهلێ ههردو ئالی راست نابێژن و ڤێ وهكه شهرهكێ تایبهت ل دژی ههڤ دمهشینن و یێ كو زرارا راستین یا ڤی شهری دده، گهلێ باشوورێ كوردستانێ یه.
