فرۆکەیێن شەر يێن ئارتێشا ترکیێ جاره‌كه دن هەرێمێن تلرفعه‌ت، مه‌رعناز و فرۆکەخانەیا منخ بۆمبەباران کرن، د دانێ سبەهێ دە تۆپباران دەست پێ کرن.
فرۆکەیێن شەر یێن ئارتێشا ترکیێ دوهـ ب شەڤ فرۆکەخانەیا مننخ یا شەهبایێ، هەرێمێن مه‌رعناز و تلرفعه‌ت یێن رۆژئاڤایێ کوردستانێ بۆمبەبارانکرن، بۆمبەباران پشتی دەمژمێر 01.00 دەست پێ کر و پشتی دەمژمێرەکێ قادێن ئێریشێ بەرفرەهـ بوون، فرۆکەخانەیا مننخ و گوندێ مه‌رعناز یێ شەرایێ کرن هەدەف.
هات راگهاندن کو فرۆکەخانەیا مننخ و گوندێ عەین دەقنێ ل دانێ سبەهێ جارەکە دن ژ ئالیێ فرۆکەیێن شەر ڤە هاتن بۆمبەبارانکرن.
ئیرۆ ژی هەر وها هەرێمێن منبج، تشرین، ئارما و تلرفعه‌ت ژ ئالیێ یەکینەیێن تۆپهاڤێژ ڤە هاتنە تۆپبارانکرن.
رێڤەبەریا خوەسەر یا رۆژئاڤایێ کوردستانێ بیلانچۆیا ئێریشا ئاسمانی و تۆپان یا 6 رۆژێن داوی یا ژ ئالیێ ترکیێ ڤە ل دژی رۆژئاڤا هاتیە کرن، دوهـ ئەشکەرە کر.
ل گۆری داخویانیێ 19 شەرڤانێن هه‌سه‌دێ، 16 سڤیل و 24 لەشکەرێن سووریێ ب گشتی 59 کەسان جانێ خوە ژ دەست دانە و 73 کەس کو 33 ژێ سڤیلن، 13 ئەندامێن هه‌سه‌دێ و ئاساییشێ و 25 لەشکەرێن سووریێ ژی بریندار بوونە.
